കോവിഡ് ഭയന്ന് ദമ്പതികൾ ജീവനൊടുക്കി;ഫലം നെഗറ്റീവ്.

കർണാടകയിലെ ബംഗളൂരുവിലാണ് കോവിഡ് പിടിപെട്ടെന്ന് ഭയന്ന് ദമ്പതികൾ ജീവനൊടുക്കിയത്. സൂറത്തുകൽ ബൈക്കംപടി ചിത്രാപുര സ്വദേശികളായ രമേശ് സുവർണ്ണയും(40) ഭാര്യ ഗുണ ആർ സുവർണയുമാണ്(35) ഫ്ലാറ്റിൽ തൂങ്ങിമരിച്ചത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

മരിക്കുന്നതിനു തൊട്ടു മുൻപായി പോലീസ് കമ്മീഷണർക്ക് ഇവർ ആത്മഹത്യാ സന്ദേശമയച്ചു. ഭാര്യക്ക് കോവിഡ് ലക്ഷണങ്ങൾ ഉണ്ടെന്നും പ്രമേഹം ഉള്ളതിനാൽ ബ്ലാക്ക് ഫംഗസ് പിടിപെടാൻ സാധ്യതയുണ്ടെന്നുമായിരുന്നു ഉള്ളടക്കം. ഇതിനാലാണ് ഒരുമിച്ച് മരിക്കാൻ തീരുമാനിച്ചതെന്ന് വാട്സാപ്പിലൂടെ അയച്ച ശബ്ദ സന്ദേശത്തിൽ പറയുന്നു.

സംഭവസ്ഥലത്തുനിന്ന് ആത്മഹത്യാ കുറിപ്പും അന്ത്യ കർമ്മങ്ങൾക്കുള്ള ഒരു ലക്ഷം രൂപയും കണ്ടെടുത്തു. സ്വത്തുക്കൾ വിറ്റതിനുശേഷം അഗതിമന്ദിരങ്ങൾക്കും അനാഥാലയങ്ങൾക്കും നൽകണമെന്നും കുറിപ്പിൽ പറയുന്നു.

വിവാഹം കഴിഞ്ഞ് വർഷങ്ങൾ ആയിട്ടും കുട്ടികൾ ഇല്ലാത്തതിനാൽ ദുഃഖിതരായിരുന്നു ദമ്പതികൾ. ആശുപത്രിയിൽ പോയാൽ മരണസമയത്ത് പരസ്പരം കാണാൻ കഴിയില്ലെന്ന് ഭയന്നാണ് ആത്മഹത്യ ചെയ്യുന്നതെന്നും അയച്ച സന്ദേശത്തിൽ ഉണ്ടായിരുന്നു.

തിരുവനന്തപുരത്ത് പൊലീസ് ടെലികമ്യൂണിക്കേഷൻ ഇൻസ്പെക്ടറെ തൂങ്ങി മരിച്ച നിലയിൽ കണ്ടെത്തി

Story Highlights: Couple suicided in Mangalore by fearing covid19

ഷാർജയിൽ ആത്മഹത്യ ചെയ്ത വിപഞ്ചികയുടെ കുഞ്ഞിന്റെ സംസ്കാരം; അനിശ്ചിതത്വം തുടരുന്നു