മലപ്പുറത്തെ ഒരു വിഭാഗം കോണ്‍ഗ്രസ് നേതാക്കള്‍ രാജ്‌മോഹന്‍ ഉണ്ണിത്താനെതിരെ പരാതിയുമായി രംഗത്ത്. മുതിര്‍ന്ന നേതാക്കളായ രമേശ് ചെന്നിത്തല, ഉമ്മന്‍ചാണ്ടി എന്നിവർക്കെതിരെ പരസ്യ പ്രസ്താവന നടത്തിയതിനെ തുടർന്നാണ് രാജ്‌മോഹന്‍ ഉണ്ണിത്താനെതിരെ അടിയന്തര നടപടി സ്വീകരിക്കണമെന്ന ആവശ്യം. ഹൈക്കമാന്‍ഡിന് പരാതി കൈമാറിയിട്ടുണ്ട്.
രാജ്‌മോഹന്‍ ഉണ്ണിത്താനെതിരായി ഇരുപത്തിനാലോളം വരുന്ന കോണ്‍ഗ്രസ് നേതാക്കളാണ് രംഗത്തെത്തിയിരിക്കുന്നത്. ഇവര്‍ ഒപ്പുവച്ച പരാതിയാണ് ഹൈക്കമാന്‍ഡിന് കൈമാറിയത്. ഡിസിസി പ്രസിഡന്റ് പട്ടിക സംബന്ധിച്ച വിവാദങ്ങള്‍ക്കിടയിലായിരുന്നു രാജ്‌മോഹന്‍ ഉണ്ണിത്താന്‍ രൂക്ഷവിമര്‍ശനവുമായി രംഗത്തെത്തിയത്.
കേന്ദ്ര നേതൃത്വമാണ് ഡിസിസി അധ്യക്ഷന്മാരുടെ പട്ടിക പ്രസിദ്ധീകരിച്ചത്. ഏത് മുതിര്‍ന്ന നേതാവായാലും പാര്‍ട്ടിക്കുള്ളില്‍ കലാപമുണ്ടാക്കാന്‍ ശ്രമിച്ചാല്‍ പുറത്ത് പോകേണ്ടിവരുമെന്നുമായിരുന്നു ഉണ്ണിത്താന്റെ പ്രതികരണം.
Story highlight : Congress leaders complaint against Rajmohan Unnithan.
