കരുവന്നൂർ ബാങ്ക് തട്ടിപ്പ് ; നഗരസഭാ യോഗത്തിൽ കയ്യാങ്കളി.

കരുവന്നൂർ ബാങ്ക് തട്ടിപ്പ് വിഷയം സംബന്ധിച്ച് ഇരിങ്ങാലക്കുട നഗരസഭാ യോഗത്തിൽ സംഘർഷം. 

സാമൂഹിക സുരക്ഷാ പെൻഷൻ വിഷയം ചർച്ച ചെയ്യാൻ ചേർന്ന യോഗത്തിലാണ് കരുവന്നൂർ ബാങ്ക് തട്ടിപ്പ് വിഷയത്തിന്റെ പേരിൽ സംഘർഷം ഉണ്ടായത്.

കരുവന്നൂർ ബാങ്ക് മുഖേനയാണ് ഇരിങ്ങാലക്കുട നഗരസഭയിലെ ഇരുപതോളം വാർഡുകളിൽ സാമൂഹിക സുരക്ഷാ പെൻഷൻ നൽകിയിരുന്നത് .

എന്നാൽ ബാങ്കിലെ സാമ്പത്തിക തട്ടിപ്പ് വിവാദമായതിനെ തുടർന്ന് പെൻഷൻ വിതരണം ഉണ്ടായിരുന്നില്ല.

ഇതു സംബന്ധിച്ച് അടിയന്ത യോഗം ചേരണമെന്നാവശ്യപ്പെട്ട് പ്രതിപക്ഷ കൗൺസിലർമാർ നഗരസഭ ചെയർപേഴ്‌സണ് കത്തയച്ചിരുന്നു.ഇതിന്റെ അടിസ്ഥാനത്തിൽ ചേർന്ന യോഗത്തിലാണ് സംഘർഷമുണ്ടായത്.

Story highlight : clash in irinjalakuda council meet on Karuvannur Bank Scam issue