പ്രമുഖ അമേരിക്കൻ ടെലിവിഷൻ താരം ചക്ക് വൂളറി (83) ടെക്സസിലുള്ള വസതിയിൽ വച്ച് അന്തരിച്ചു. അദ്ദേഹത്തിന്റെ സുഹൃത്തും പോഡ്കാസ്റ്ററുമായ മാർക്ക് യങാണ് മരണവാർത്ത സോഷ്യൽ മീഡിയയിലൂടെ പങ്കുവെച്ചത്. 1970-80 കാലഘട്ടത്തിൽ അമേരിക്കൻ ടെലിവിഷൻ പ്രേക്ഷകർക്കിടയിൽ വലിയ ജനപ്രീതി നേടിയ നടനും അവതാരകനുമായിരുന്നു ചക്ക് വൂളറി.
വീൽ ഓഫ് ഫോർച്യൂൺ, ലവ് കണക്ഷൻ, സ്ക്രാബിൾ എന്നീ പരിപാടികളിലൂടെയാണ് അദ്ദേഹം പ്രേക്ഷകരുടെ പ്രിയതാരമായി മാറിയത്. 1975-ൽ അവതരിപ്പിച്ച വീൽ ഓഫ് ഫോർച്യൂൺ വലിയ ജനശ്രദ്ധ പിടിച്ചുപറ്റിയിരുന്നു. 1983-ൽ ലവ് കണക്ഷനും 1984-ൽ സ്ക്രാബിൾസും അദ്ദേഹം ഹോസ്റ്റ് ചെയ്തു. ലിംഗോ, ഗ്രീഡ് തുടങ്ങിയ പരിപാടികളും പിന്നീട് അവതരിപ്പിച്ചിട്ടുണ്ട്.
ചക്ക് വൂളറി ഒരു മികച്ച സംഗീതജ്ഞൻ കൂടിയായിരുന്നു. അദ്ദേഹത്തിന്റെ അവൻ്റ് ഗാർഡ് എന്ന മ്യൂസിക് ബാൻഡിന്റെ പല ആൽബങ്ങളും ടോപ് ചാർട്ടിൽ ഇടം പിടിച്ചിട്ടുണ്ട്. അടുത്തിടെയായി “ബ്ലൻഡ് ഫോഴ്സ് ട്രൂത്” എന്ന പോഡ്കാസ്റ്റ് അദ്ദേഹമാണ് അവതരിപ്പിച്ച് വന്നിരുന്നത്.
Story Highlights: Prominent American TV personality Chuck Woolery dies at 83, known for hosting popular game shows
പ്രശസ്ത അമേരിക്കൻ നടൻ റോൺ പിയേഴ്സ് ഇലൈ 86-ാം വയസ്സിൽ അന്തരിച്ചു. 'ടാർസൻ' Read more
ബ്രിട്ടീഷ് ബോയ്ബാന്ഡ് വണ് ഡയറക്ഷന്റെ മുന് അംഗം ലിയാം പെയ്ന് അര്ജന്റീനയില് ദാരുണാന്ത്യം Read more
