Ron Ely, Famous 'Tarzan' TV Series Actor, Dies at 86

പ്രശസ്ത അമേരിക്കൻ നടനും എഴുത്തുകാരനുമായ റോൺ പിയേഴ്സ് ഇലൈ 86-ാം വയസ്സിൽ അന്തരിച്ചു. ‘ടാർസൻ’ ടെലിവിഷൻ സീരീസിലൂടെ പ്രേക്ഷകരുടെ മനം കവർന്ന താരം സെപ്റ്റംബർ 29-ന് കാലിഫോർണിയയിലെ വീട്ടിൽ വച്ചാണ് അന്ത്യശ്വാസം വലിച്ചത്. മകൾ കിർസ്റ്റിൻ കാസലെ ഇലൈ സോഷ്യൽ മീഡിയയിൽ പങ്കുവച്ച കുറിപ്പിലൂടെയാണ് ഈ വാർത്ത പുറംലോകം അറിഞ്ഞത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

“ലോകത്തിന് ഏറ്റവും മികച്ച മനുഷ്യരിൽ ഒരാളെയും എനിക്ക് എന്റെ അച്ഛനേയും നഷ്ടപ്പെട്ടു” എന്ന് പറഞ്ഞുകൊണ്ടാണ് കാസലെ ഇലൈ തന്റെ കുറിപ്പ് ആരംഭിച്ചത്. അച്ഛന്റെ സ്നേഹം മനസ്സിലാക്കിയാൽ ഈ ലോകം കൂടുതൽ തിളക്കമുള്ളതും അർത്ഥവത്തായതുമാകുമെന്നും അവർ വൈകാരികമായി കുറിച്ചു. അച്ഛനൊപ്പമുള്ള കുട്ടിക്കാല ചിത്രങ്ങളും അവർ പങ്കുവച്ചിരുന്നു.

ആസിഫ് അലിയുടെ 'രേഖാചിത്രം' ജനുവരി 9-ന് തിയറ്ററുകളിൽ; പ്രതീക്ഷയോടെ ആരാധകർ

1966 മുതൽ 1968 വരെ സംപ്രേഷണം ചെയ്ത ‘ടാർസൻ’ സീരീസിൽ ടാർസന്റെ വേഷത്തിലെത്തിയത് റോൺ ആയിരുന്നു. അപകടം നിറഞ്ഞ സീനുകളിൽ ഡ്യൂപ്പില്ലാതെ അഭിനയിച്ച് നിരവധി പരിക്കുകൾ പറ്റിയിട്ടുണ്ട്. 2001-ൽ അദ്ദേഹം അഭിനയത്തിൽ നിന്ന് ഇടവേളയെടുത്ത് എഴുത്തുകാരനായി. രണ്ട് നോവലുകളും അദ്ദേഹം പ്രസിദ്ധീകരിച്ചിട്ടുണ്ട്.