Chelakkara, Wayanad by-election campaigns conclude; final push

ചേലക്കര, വയനാട് ഉപതിരഞ്ഞെടുപ്പ് പ്രചാരണങ്ങൾക്ക് ഇന്ന് കൊട്ടിക്കലാശം. 28 ദിവസം നീണ്ട പ്രചാരണം വൈകിട്ട് അഞ്ചിന് അവസാനിക്കും. മൂന്നു മുന്നണികളും അവസാന ഘട്ടത്തിൽ വോട്ടുറപ്പിക്കാനുള്ള തീവ്രശ്രമത്തിലാണ്. വയനാട്ടിൽ പ്രചാരണത്തിനായി പ്രതിപക്ഷനേതാവ് രാഹുൽ ഗാന്ധി എത്തുമെന്നത് ശ്രദ്ധേയമാണ്. പാലക്കാട്ടെ തിരഞ്ഞെടുപ്പ് ചൂട് വീണ്ടും ഉയരുന്നതായും റിപ്പോർട്ടുകളുണ്ട്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ചേലക്കരയിൽ സിപിഐഎമ്മിന്റെ കോട്ട പൊളിയുമോ എന്ന ആശങ്കയിലാണ് ഇടതുമുന്നണി. മുഖ്യമന്ത്രി പിണറായി വിജയൻ നേരിട്ട് പ്രചാരണം ഏറ്റെടുത്തത് ഇതിന്റെ സൂചനയാണ്. രണ്ടു ദിവസം മണ്ഡലത്തിൽ ക്യാമ്പ് ചെയ്ത് ആറ് പൊതുയോഗങ്ങളിൽ മുഖ്യമന്ത്രി പ്രസംഗിച്ചു. എംപി കെ രാധാകൃഷ്ണന്റെ ഉൾവലിയൽ പ്രചാരണ രംഗത്ത് പ്രകടമായിരുന്നെങ്കിലും മുഖ്യമന്ത്രിയുടെ സജീവ പങ്കാളിത്തം അതിനെ മറികടന്നു.

യുഡിഎഫ് ചേലക്കരയിൽ വിജയിച്ചാലേ രാഷ്ട്രീയ വിജയമായി കാണാനാകൂ എന്ന നിലപാടിലാണ്. കെപിസിസി അധ്യക്ഷനും പ്രതിപക്ഷ നേതാവും മണ്ഡലത്തിൽ ക്യാമ്പ് ചെയ്ത് പ്രവർത്തിച്ചു. കുടുംബയോഗങ്ങൾ കേന്ദ്രീകരിച്ചുള്ള പ്രവർത്തനം ഗുണം ചെയ്യുമെന്ന് കോൺഗ്രസ് കണക്കുകൂട്ടുന്നു. ബിജെപി തിരുവില്വാമല, പാഞ്ഞാൾ തുടങ്ങിയ സ്വാധീനമുള്ള പഞ്ചായത്തുകളിൽ വോട്ട് വർദ്ധിപ്പിക്കാനുള്ള ശ്രമത്തിലാണ്.

സജി ചെറിയാനെ വിമർശിച്ച് ജി. സുധാകരൻ; അറസ്റ്റ് ചെയ്യാൻ പൊലീസ് വരട്ടെ, മുൻകൂർ ജാമ്യമില്ല

വയനാട്ടിൽ പ്രിയങ്ക ഗാന്ധിയുടെ പ്രചാരണം ശ്രദ്ധേയമായിരുന്നു. കേന്ദ്രസർക്കാരിനെ വിമർശിച്ചെങ്കിലും സംസ്ഥാന സർക്കാരിനെയോ എൽഡിഎഫിനെയോ കാര്യമായി വിമർശിച്ചില്ല. എൽഡിഎഫ് പ്രചാരണത്തിൽ ഉപതിരഞ്ഞെടുപ്പുണ്ടായ സാഹചര്യം വിശദീകരിക്കുന്നതിനാണ് ഊന്നൽ നൽകിയത്. ബിജെപി ഇന്ത്യ സഖ്യവും എൻഡിഎയും തമ്മിലാണ് മത്സരമെന്ന് അവകാശപ്പെടുന്നു.

Story Highlights: Chelakkara and Wayanad by-election campaigns conclude today with final push from all fronts

“മാറാത്തത് ഇനി മാറും”: സർക്കാരിനെതിരെ രാജീവ് ചന്ദ്രശേഖർ, ഷൈൻലാലിന് ബിജെപി അംഗത്വം