മുഖ്യമന്ത്രി പിണറായി വിജയനെ പുകഴ്ത്തി ചാണ്ടി ഉമ്മൻ രംഗത്തെത്തി. രാഷ്ട്രീയ അഭിപ്രായ വ്യത്യാസങ്ങൾക്കിടയിലും വ്യക്തിപരമായി ഏറെ അടുപ്പമുണ്ടായിരുന്നവരാണ് ഉമ്മൻ ചാണ്ടിയും പിണറായി വിജയനുമെന്ന് ചാണ്ടി ഉമ്മൻ വ്യക്തമാക്കി. ഉമ്മൻ ചാണ്ടി ആരോഗ്യപ്രശ്നങ്ങൾ നേരിട്ടപ്പോൾ പിണറായി വിജയൻ പ്രത്യേക ഇടപെടൽ നടത്തിയതായും അദ്ദേഹം പറഞ്ഞു.
ഒരാളെ തിരിച്ചറിയുന്നത് ബുദ്ധിമുട്ട് നേരിടുന്ന സമയത്താണെന്നും ചാണ്ടി ഉമ്മൻ കൂട്ടിച്ചേർത്തു. അതേസമയം, ഉമ്മൻ ചാണ്ടി നാടിൻ്റെ വലിയ സമ്പത്താണെന്ന് പന്ന്യൻ രവീന്ദ്രൻ അഭിപ്രായപ്പെട്ടു. ഉമ്മൻ ചാണ്ടിക്ക് കല്ലേറ് കൊണ്ടപ്പോൾ തനിക്കും പിണറായിക്കും സുരക്ഷയൊരുക്കിയത് ഉമ്മൻ ചാണ്ടിയായിരുന്നുവെന്നും പന്ന്യൻ രവീന്ദ്രൻ വെളിപ്പെടുത്തി.
കണ്ണൂരിൽ കല്ലേറ് കൊണ്ടപ്പോൾ ആലപ്പുഴയിലുള്ള തങ്ങൾക്ക് സുരക്ഷ നൽകിയതായും, സുരക്ഷയുടെ കാര്യം തങ്ങളെ അറിയിച്ചിരുന്നതായും പന്ന്യൻ രവീന്ദ്രൻ പറഞ്ഞു. ഉമ്മൻചാണ്ടിക്ക് ജയിച്ചു കഴിഞ്ഞാൽ പാർട്ടികൾ തമ്മിൽ വേർതിരിവില്ലെന്നും അദ്ദേഹം കൂട്ടിച്ചേർത്തു.
