Chaitanyananda Saraswati Case: Police Investigate Sexual Assault Allegations

ഡൽഹി◾: ഡൽഹിയിൽ പീഡനശ്രമക്കേസിൽ അറസ്റ്റിലായ സ്വാമി ചൈതന്യാനന്ദ സരസ്വതി ചോദ്യം ചെയ്യലിനോട് സഹകരിക്കുന്നില്ലെന്ന് പോലീസ് അറിയിച്ചു. പ്രതിയുടെ മൊബൈലിൽ നിന്ന് ഹോസ്റ്റലിലെ സിസിടിവി ദൃശ്യങ്ങളും പെൺകുട്ടികളുടെ സോഷ്യൽ മീഡിയ പ്രൊഫൈൽ സ്ക്രീൻഷോട്ടുകളും അശ്ലീല സന്ദേശങ്ങൾ അയച്ച ചാറ്റുകളും പോലീസ് കണ്ടെത്തിയിട്ടുണ്ട്. അറസ്റ്റിലായ ചൈതന്യാനന്ദയ്ക്കെതിരെ കൂടുതൽ തെളിവുകൾ ലഭിച്ചതായി പോലീസ് വ്യക്തമാക്കി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കേസിലെ പ്രധാന തെളിവ് ചൈതന്യാനന്ദയുടെ മൊബൈൽ ഫോണുകളാണ്. പോലീസ് കണ്ടെത്തിയ വിവരങ്ങൾ അനുസരിച്ച്, ഇയാൾ അറസ്റ്റിൽ നിന്ന് രക്ഷപ്പെടാൻ 15 ഹോട്ടലുകളിൽ മാറിത്താമസിച്ചു. സിസിടിവി ക്യാമറകൾ ഇല്ലാത്ത, കുറഞ്ഞ ചിലവുള്ള ലോഡ്ജുകളിലാണ് ഇയാൾ താമസിച്ചിരുന്നത്.

ചൈതന്യാനന്ദയുടെ ഫോണിൽ നിന്നും ലൈംഗിക ഉദ്ദേശത്തോടെ സ്ത്രീകൾക്ക് അയച്ച മെസേജുകളാണ് പ്രധാനമായും കണ്ടെത്തിയത്. വിമാനത്തിലെ വനിത കാബിൻ ക്രൂവിനൊപ്പം നിൽക്കുന്ന ചിത്രങ്ങളും പെൺകുട്ടികളുടെ സോഷ്യൽ മീഡിയ പ്രൊഫൈൽ സ്ക്രീൻഷോട്ടുകളും ഇതിൽ ഉൾപ്പെടുന്നു. ഇയാളുടെ മറ്റ് ഫോണുകളുടെയും ഐപാഡിന്റെയും പാസ്വേഡ് മറന്നുപോയെന്ന് ഇയാൾ പോലീസിനോട് പറഞ്ഞു.

ചൈതന്യാനന്ദയെ തെളിവെടുപ്പിനായി വസന്ത്കുഞ്ചിലെ സ്ഥാപനത്തിൽ എത്തിച്ചിരുന്നു. സ്ഥാപനത്തിലെ താഴത്തെ നിലയിലുള്ള ചൈതന്യാനന്ദയുടെ മുറിയിലും പോലീസ് തെളിവെടുപ്പ് നടത്തി. പെൺകുട്ടികളുടെ ശുചിമുറികളുടെ മുന്നിൽ സിസിടിവി ക്യാമറ വെച്ചതടക്കമുള്ള ഒട്ടുമിക്ക ആരോപണങ്ങളും പോലീസ് ശരിവച്ചു.

ആശാറാം ബാപ്പുവിന് ആരതി: സൂറത്തിലെ ആശുപത്രി ജീവനക്കാരെ സസ്പെൻഡ് ചെയ്തു

അതിനിടെ, ചൈതന്യാനന്ദയ്ക്കെതിരെ പരാതി നൽകിയ പെൺകുട്ടികളിൽ ഒരാളുടെ മാതാപിതാക്കളെ ഭീഷണിപ്പെടുത്തിയ സഹായിയെ ഇന്നലെ അറസ്റ്റ് ചെയ്തു. ഉത്തരാഖണ്ഡിലെ ബാഗേശ്വർ സ്വദേശി ഹരിസിങ് കോപോതിയാണ് അറസ്റ്റിലായത്. ചൈതന്യാനന്ദയുടെ നിർദ്ദേശമനുസരിച്ചാണ് താൻ കുട്ടിയുടെ രക്ഷിതാക്കളെ ഭീഷണിപ്പെടുത്തിയതെന്ന് ഇയാൾ പോലീസിനോട് സമ്മതിച്ചു.

ചൈതന്യാനന്ദക്ക് ഒത്താശ ചെയ്ത സ്ഥാപനത്തിലെ രണ്ട് വനിതാ ജീവനക്കാരെയും പോലീസ് കസ്റ്റഡിയിലെടുത്തിട്ടുണ്ട്. ഇയാളുടെ മുറിയിൽ നിന്നും ട്രംപിനോടൊപ്പം, ഇന്ത്യൻ പ്രധാനമന്ത്രിമാരുമൊത്തുമുള്ള ചിത്രങ്ങൾ കണ്ടെത്തിയിരുന്നു. ഇത് എ.ഐ ഉപയോഗിച്ച് നിർമ്മിച്ചതാണെന്ന് പോലീസ് അറിയിച്ചു. പ്രധാനമന്ത്രിയുടെ ഓഫീസുമായി അടുപ്പമുണ്ടെന്ന് ഇയാളുടെ കൂട്ടാളികൾ പ്രചരിപ്പിച്ചത് വ്യാജമാണെന്നും പോലീസ് വ്യക്തമാക്കി.

Story Highlights: Police found crucial evidence, including CCTV footage and social media screenshots, against Swami Chaitanyananda in the sexual harassment case.

ആശാറാം ബാപ്പുവിന് ആരതി: സൂറത്തിലെ ആശുപത്രി ജീവനക്കാരെ സസ്പെൻഡ് ചെയ്തു