Central Bank and SBI Specialist Officer Recruitment 2024

സെൻട്രൽ ബാങ്ക് ഓഫ് ഇന്ത്യയും സ്റ്റേറ്റ് ബാങ്ക് ഓഫ് ഇന്ത്യയും സ്പെഷ്യലിസ്റ്റ് ഓഫീസർ തസ്തികകളിലേക്ക് നിയമനം നടത്തുന്നു. സെൻട്രൽ ബാങ്ക് ഓഫ് ഇന്ത്യയിൽ 253 ഒഴിവുകളാണുള്ളത്. ഐടി മേഖലയിലെ വിവിധ തസ്തികകളിലേക്കാണ് നിയമനം. ഡെവലപ്പർ, അഡ്മിനിസ്ട്രേറ്റർ, ഐടി സെക്യൂരിറ്റി, ഐടി സപ്പോർട്ട്, ഐടി ആർക്കിടെക്ട് തുടങ്ങിയ തസ്തികകളിലാണ് ഒഴിവുകൾ.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

യോഗ്യത ബിഇ/ബിടെക് (കംപ്യൂട്ടർ സയൻസ്/ഇൻഫർമേഷൻ ടെക്നോളജി/ഇലക്ട്രോണിക്സ്) അല്ലെങ്കിൽ എംസിഎ ആണ്. പ്രായപരിധി സ്കെയിൽ അനുസരിച്ച് 23-40 വയസ്സ് വരെയാണ്. അപേക്ഷാ ഫീസ് 850 രൂപയും ജിഎസ്ടിയുമാണ്. എസ്സി/എസ്ടി വിഭാഗത്തിന് 175 രൂപയും ജിഎസ്ടിയുമാണ് ഫീസ്. ഡിസംബർ 3 വരെ ഓൺലൈനായി അപേക്ഷിക്കാം. ഓൺലൈൻ പരീക്ഷ ഡിസംബർ 14നും അഭിമുഖം 2025 ജനുവരി രണ്ടാം വാരവും നടക്കും.

വോഡഫോൺ ഐഡിയയിൽ കേന്ദ്രസർക്കാരിന്റെ ഓഹരി വിഹിതം 48.99% ആയി ഉയരും

സ്റ്റേറ്റ് ബാങ്ക് ഓഫ് ഇന്ത്യയിൽ 169 ഒഴിവുകളാണുള്ളത്. മാനേജർ (എൻജിനിയർ – സിവിൽ) 43, അസിസ്റ്റന്റ് മാനേജർ (എൻജിനിയർ – ഇലക്ട്രിക്കൽ) 25, അസിസ്റ്റന്റ് മാനേജർ (എൻജിനിയർ ഫയർ) 101 എന്നിങ്ങനെയാണ് ഒഴിവുകൾ. യോഗ്യത ബന്ധപ്പെട്ട എൻജിനീയറിംഗ് ബിരുദമാണ്. പ്രായപരിധി 21-40 വയസ്സ്. അപേക്ഷാ ഫീസ് 750 രൂപ. എസ്സി/എസ്ടി/പിഡബ്ല്യുഡി വിഭാഗത്തിന് ഫീസില്ല. ഡിസംബർ 12 വരെ ഓൺലൈനായി അപേക്ഷിക്കാം.

Story Highlights: Central Bank of India and State Bank of India announce recruitment for Specialist Officer positions with 253 and 169 vacancies respectively.

ക്രിക്കറ്റ് ഗ്രൗണ്ടിൽ നിന്ന് ബാങ്ക് കൗണ്ടറിലേക്ക്: സിദ്ധാർഥ് കൗളിന്റെ അപ്രതീക്ഷിത കരിയർ മാറ്റം