Cargo Spillage: Public Alert Issued After Cargo Falls From Ship

കൊച്ചി◾: കപ്പലിൽ നിന്ന് വീണ കാർഗോ തീരത്ത് അടിഞ്ഞാൽ പൊതുജനങ്ങൾ അടുത്ത് പോകരുതെന്നും, സ്പർശിക്കരുതെന്നും നിർദ്ദേശം നൽകി. അപകടത്തിൽപ്പെട്ട കപ്പൽ വിഴിഞ്ഞം തുറമുഖത്ത് നിന്ന് പുറപ്പെട്ട ലൈബീരിയയുടെ പതാകയുള്ള കപ്പലാണ്. മറൈൻ ഗ്യാസ് ഓയിൽ ആണ് കാർഗോയിൽ ഉണ്ടായിരുന്നത് എന്നാണ് സൂചന.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

തീരത്ത് നിന്ന് ഏകദേശം 70 കിലോമീറ്റർ അകലെ ചുഴിയിൽപ്പെട്ടാണ് കപ്പൽ ചരിഞ്ഞത്. 28 ഡിഗ്രി വരെ കപ്പൽ ചരിഞ്ഞിട്ടുണ്ട്. കപ്പൽ പൂർണ്ണമായും ചരിഞ്ഞാൽ അപകടകരമായ സ്ഥിതിയിലേക്ക് പോകുമെന്ന് നേവി മുന്നറിയിപ്പ് നൽകിയിട്ടുണ്ട്.

കപ്പലിന്റെ രക്ഷാപ്രവർത്തനം ദക്ഷിണ മേഖല ലേബൽ ആസ്ഥാനത്ത് നിന്ന് നിരീക്ഷിക്കുന്നുണ്ട്. അപകടത്തെ തുടർന്ന് കോസ്റ്റ്ഗാർഡിന്റെ കൊച്ചി ആസ്ഥാനത്തുനിന്നും കാർഗോയ്ക്കായി നിരീക്ഷണം ശക്തമാക്കിയിട്ടുണ്ട്.

കടലിൽ വീണത് 9 കണ്ടെയ്നറുകളാണ്. കപ്പലിനകത്ത് 24 മുതൽ 30 വരെ ആളുകൾ ഉണ്ടായിരുന്നു. അതിൽ 9 പേർ ലൈഫ് ബോയ് അണിഞ്ഞ് കടലിൽ ചാടിയെങ്കിലും അവരെ മറ്റൊരു കപ്പലിൽ രക്ഷപ്പെടുത്തി.

ഉൾക്കടലിൽ കേരള തീരത്തിന് 38 നോട്ടിക്കൽ മൈൽ അകലെയാണ് കണ്ടെയ്നറുകൾ കണ്ടെത്തിയത് എന്നാണ് വിവരം. കാർഗോ വടക്കൻ തീരത്ത് എത്താനാണ് സാധ്യത. അല്ലെങ്കിൽ, തീരത്ത് നിന്ന് ഒഴിഞ്ഞു മാറാനും സാധ്യതയുണ്ടെന്ന് ദുരന്ത നിവാരണ അതോറിറ്റി സെക്രട്ടറി ശേഖർ കുര്യാക്കോസ് അറിയിച്ചു.

കൊച്ചിയിൽ അപകടത്തിൽപ്പെട്ട ലൈബീരിയൻ കപ്പൽ; രക്ഷാപ്രവർത്തനം ഇന്നും തുടരും

കപ്പൽ ചരിഞ്ഞപ്പോൾ കണ്ടെയ്നർ വെള്ളത്തിൽ വീണുവെന്നും, ഒപ്പം കപ്പലിലുണ്ടായിരുന്ന എണ്ണയും കടലിൽ വീണതായി കോസ്റ്റ് ഗാർഡിൽ നിന്ന് വിവരം ലഭിച്ചു. മനുഷ്യന് അപകടമുണ്ടാക്കുന്നത് ഏത് രീതിയിലെന്ന് ഉറപ്പില്ലെന്നും അധികൃതർ അറിയിച്ചു.

Story Highlights: വിഴിഞ്ഞത്ത് നിന്നുള്ള കപ്പലിൽ നിന്ന് കാർഗോ വീണതിനെ തുടർന്ന് ജാഗ്രതാ നിർദ്ദേശം.

കൊച്ചിയിൽ കപ്പൽ അപകടം: കപ്പൽ കൂടുതൽ താഴ്ന്നുപോകുന്നു, നാവികരെ രക്ഷപ്പെടുത്തി