Canada tightens immigration rules, cuts student permits by 35%

കാനഡ വിദ്യാർഥികൾക്കുള്ള കുടിയേറ്റ നിയമങ്ങൾ കർശനമാക്കി. പ്രധാനമന്ത്രി ജസ്റ്റിൻ ട്രൂഡോ എക്സിൽ പ്രഖ്യാപിച്ചതനുസരിച്ച്, ഈ വർഷം വിദേശ വിദ്യാർഥികൾക്ക് നൽകുന്ന സ്റ്റഡി പെർമിറ്റ് 35 ശതമാനം കുറയ്ക്കും. അടുത്ത വർഷം അതിന്റെ 10 ശതമാനം കൂടി കുറയ്ക്കാനാണ് തീരുമാനം.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

താൽക്കാലിക താമസക്കാരുടെ എണ്ണം നിയന്ത്രിക്കുന്നതിന്റെ ഭാഗമായാണ് ഈ നടപടി. വർക്ക് പെർമിറ്റിനുള്ള യോഗ്യതാ മാനദണ്ഡങ്ങളും കർശനമാക്കും. 2024ൽ 4,85,000 ആയിരുന്ന സ്റ്റഡി പെർമിറ്റുകളുടെ എണ്ണം 2025 ആകുമ്പോഴേക്കും 4,37,000 ആയി കുറയ്ക്കാനാണ് കാനഡ ലക്ഷ്യമിടുന്നത്.

2023ൽ 5,09,390 പേർക്കാണ് ഇന്റർനാഷണൽ സ്റ്റഡി പെർമിറ്റ് നൽകിയത്. 2024ൽ ഏഴുമാസത്തിനിടെ 1,75,920 സ്റ്റഡി പെർമിറ്റ് നൽകിയിട്ടുണ്ട്. ഈ പുതിയ നിയമങ്ങൾ ഇന്ത്യയിൽ നിന്ന് കാനഡയിലേക്ക് കുടിയേറിയവരെ ഉൾപ്പടെ സാരമായി ബാധിക്കുമെന്നാണ് വിലയിരുത്തൽ.

കുടിയേറ്റം സമ്പദ്വ്യവസ്ഥയ്ക്ക് ഒരു നേട്ടമാണെന്ന് ട്രൂഡോ പറഞ്ഞു. എന്നാൽ മോശം ആളുകൾ ഈ സംവിധാനത്തെ ദുരുപയോഗം ചെയ്യുകയും വിദ്യാർഥികളെ മുതലെടുക്കുകയും ചെയ്യുമ്പോൾ, അത് തകർക്കപ്പെടുമെന്നും അദ്ദേഹം കൂട്ടിച്ചേർത്തു. ഈ നിയന്ത്രണങ്ങൾ വിദേശ വിദ്യാർഥികളുടെ എണ്ണത്തിൽ ഗണ്യമായ കുറവുണ്ടാക്കുമെന്നാണ് പ്രതീക്ഷിക്കുന്നത്.

മ്യാന്മാറിൽ ഭൂകമ്പം: നൂറിലധികം മരണം

Story Highlights: Canada tightens immigration rules, reducing international student permits by 35% this year

കാനഡയിൽ പൊതു തിരഞ്ഞെടുപ്പ് ഏപ്രിൽ 28ന്