Youth trafficking case in Cambodia: Kerala police register case

കംബോഡിയയിലേക്ക് യുവാക്കളെ കടത്തിയ കേസിൽ കോഴിക്കോട് പേരാമ്പ്ര പോലീസ് കേസ് രജിസ്റ്റർ ചെയ്തു. പേരാമ്പ്ര സ്വദേശി അബിൻ ബാബുവിന്റെ പിതാവ് നൽകിയ പരാതിയിലാണ് കേസെടുത്തത്. ബാങ്കോക്കിൽ ജോലി വാഗ്ദാനം ചെയ്ത് യുവാവിനെ കംബോഡിയയിലേക്ക് കൊണ്ടുപോയെന്നാണ് പരാതി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

അബിൻ ബാബുവിന് ഇതുവരെ തിരിച്ചെത്താൻ സാധിച്ചിട്ടില്ല. അതേസമയം, തൊഴിൽ തട്ടിപ്പിനിരയായി കംബോഡിയയിൽ കുടുങ്ങിയ മറ്റ് ചില യുവാക്കളെ സംസ്ഥാന-കേന്ദ്ര സർക്കാരുകളുടെ ഇടപെടലിലൂടെ നാട്ടിലെത്തിക്കാൻ സാധിച്ചു. വടകര മണിയൂർ, മലപ്പുറം എടപ്പാൾ, മംഗലാപുരം എന്നിവിടങ്ങളിൽ നിന്നുള്ള ഏഴ് യുവാക്കളാണ് രക്ഷപ്പെട്ട് തിരിച്ചെത്തിയത്.

ഒക്ടോബർ മൂന്നിന് ഐടി മേഖലയിൽ ജോലി വാഗ്ദാനം ചെയ്ത് തായ്ലാൻഡിലേക്ക് കൊണ്ടുപോയ ശേഷം, അവരുടെ പാസ്പോർട്ട് കൈക്കലാക്കി മർദ്ദിച്ച് അവശരാക്കി തടവിലാക്കുകയായിരുന്നു. പിന്നീട് കംബോഡിയയിലേക്ക് കൊണ്ടുപോയി 2500 ഡോളർ വീതം വാങ്ങി കമ്പനികൾക്ക് വിൽക്കുകയായിരുന്നു. സൈബർ തട്ടിപ്പ് ഉൾപ്പെടെയുള്ള നിയമവിരുദ്ധ പ്രവർത്തനങ്ങൾ നടത്തുന്ന കമ്പനികളിലാണ് ജോലി ചെയ്യേണ്ടിയിരുന്നത്.

വിസമ്മതിച്ചപ്പോൾ ഇലക്ട്രിക് ദണ്ഡുകൊണ്ടും ഇരുമ്പ് വടി കൊണ്ടും മർദ്ദിച്ചിരുന്നതായി യുവാക്കൾ വെളിപ്പെടുത്തി. ഇന്ത്യൻ എംബസിയുടെ സഹായത്തോടെയാണ് ഇവരെ നാട്ടിലെത്തിച്ചത്.

പോലീസിൽ പോക്സോ വിങ് ആരംഭിക്കാൻ മന്ത്രിസഭാ തീരുമാനം

Story Highlights: Kozhikode police register case of youth trafficking to Cambodia, while some rescued youths return home after government intervention

കേരള പോലീസിന്റെ മികവ് പ്രശംസിച്ച് മുഖ്യമന്ത്രി