കടലുണ്ടി ബുഖാരി മൻസിലിൽ വെച്ച് നടന്ന വിവാഹ ചടങ്ങിൽ സയ്യിദ് അഹ്മദുൽ കബീർ അൽ ബുഖാരിയും സയ്യിദത്ത് ഫാത്വിമ ശൈമയും വിവാഹിതരായി. കേരള മുസ്ലിം ജമാഅത്ത് സംസ്ഥാന ജനറൽ സെക്രട്ടറിയും മഅദിൻ അക്കാദമി ചെയർമാനുമായ സയ്യിദ് ഇബ്റാഹീമുൽ ഖലീൽ അൽ ബുഖാരിയുടെ പുത്രനാണ് സയ്യിദ് അഹ്മദുൽ കബീർ അൽ ബുഖാരി. തിരൂർ എം.ഇ.ടി ജി അക്കാദമി ഡിഗ്രി ആറാം സെമസ്റ്റർ വിദ്യാർത്ഥിനിയാണ് ഫാത്വിമ ശൈമ. വിവാഹ വേദിയിൽ വെച്ച് വധു എഴുതിയ പുസ്തകം പ്രകാശനം ചെയ്തു.
വധുവിന്റെ പിതാവ് സയ്യിദ് ജലാലുദ്ധീൻ ജീലാനി വൈലത്തൂർ ആണ് പുസ്തകം വരന് കൈമാറിയത്. ‘സുസ്ഥിരവികസന ലക്ഷ്യങ്ങൾ ഇസ്ലാമിക സമീപനം’ എന്ന പുസ്തകം യുഎൻഎസ്ഡിജി നയങ്ങളെ ഇസ്ലാമിക വികസന സമീപനങ്ങളോട് താരതമ്യം ചെയ്യുന്നതാണ്. കാന്തപുരം എ പി അബൂബക്കർ മുസ്ലിയാർ ഉൾപ്പെടെ നിരവധി പ്രമുഖർ വിവാഹ ചടങ്ങിൽ പങ്കെടുത്തു.
എംഇടിജി അക്കാദമി വിദ്യാർത്ഥി യൂണിയൻ ചെയർപേഴ്സൺ കൂടിയാണ് ഫാത്വിമ ശൈമ. വൈലത്തൂർ മർഹൂം യൂസുഫുൽ ജീലാനിയുടെ കൊച്ചുമകളാണ് ഫാത്വിമ ശൈമ. വിവാഹ വേദിയിൽ വെച്ചുള്ള പുസ്തക പ്രകാശനം ശ്രദ്ധേയമായി.
Story Highlights: A book written by the bride, Sayyidat Fatima Shaima, was released at her wedding to Sayyid Ahmadul Kabir Al Bukhari.
എൻ പി ഉല്ലേഖിന്റെ ക്യൂബൻ യാത്രാനുഭവങ്ങൾ വിവരിക്കുന്ന 'മാഡ് എബൗട്ട് ക്യൂബ' എന്ന Read more
മന്ത്രി വി. ശിവൻകുട്ടിയുടെ മകൻ ഗോവിന്ദ് ശിവന്റെ വിവാഹം എറണാകുളം റോസ് ഹൗസിൽ Read more
ലോക പ്രശസ്ത മലയാളി ഡിസൈനർ ഹരികൃഷ്ണൻ ലണ്ടൻ സ്വദേശിനി ഇൻഡേരയെ വിവാഹം കഴിച്ചു. Read more
അമർനാഥ് പള്ളത്ത് രചിച്ച 'കെ.പി. സുധീര - ഹാർട്ട്സ് ഇംപ്രിന്റ്' എന്ന ഇംഗ്ലീഷ് Read more
