പ്രേക്ഷകർ ഏറെ ആകാംഷയോടെ കാത്തിരുന്ന ചിത്രമായ ‘ബോഗയ്ന്‍‍വില്ല’ ഒക്ടോബർ 17ന് റിലീസ് ചെയ്യുന്നു. ഇപ്പോൾ ചിത്രത്തിന്റെ അഡ്വാൻസ് ബുക്കിംഗ് ആരംഭിച്ചിരിക്കുകയാണ്. കുഞ്ചാക്കോ ബോബന്‍, ഫഹദ് ഫാസിൽ, ജ്യോതിര്‍മയി എന്നിവർ കേന്ദ്രകഥാപാത്രങ്ങളാകുന്ന ഈ ചിത്രത്തിന്റെ പാട്ടുകളും ക്യാരക്റ്റർ പോസ്റ്ററുകളും ഏറെ വൈറലായിരുന്നു. വർഷങ്ങൾക്ക് ശേഷം തിരികെ എത്തുന്ന ജ്യോതിർമയിയുടെ ലൂക്കും ‘സ്തുതി’ എന്ന ഗാനവുമെല്ലാം ഇതിനോടകം ആരാധകർക്കിടയിൽ വൈറലാണ്.
സുഷിൻ ശ്യാം ആണ് ചിത്രത്തിന്റെ സംഗീതം. കുഞ്ചാക്കോ ബോബനും അമല്‍ നീരദും ഇതാദ്യമായാണ് ഒന്നിച്ചെത്തുന്നത് എന്ന പ്രത്യേകതയും ചിത്രത്തിനുണ്ട്. ഷറഫുദ്ദീൻ, വീണ നന്ദകുമാർ, ശ്രിന്ദ തുടങ്ങിയവരും പ്രധാന വേഷങ്ങളിൽ ചിത്രത്തിലുണ്ട്.
അമൽ നീരദ് പ്രൊഡക്ഷൻസിന്‍റേയും ഉദയ പിക്ചേഴ്സിന്‍റേയും ബാനറിൽ ജ്യോതിർമയിയും കുഞ്ചാക്കോ ബോബനും ചേർന്നാണ് ബോഗയ്ന്‍‍വില്ലയുടെ നിർമാണം. ഏറെ നാളുകള്‍ക്ക് ശേഷം നടി ജ്യോതിര്‍മയി അഭിനയിക്കുന്ന ചിത്രം കൂടിയാണിത്. ചിത്രത്തിന്റെ റിലീസിനായി പ്രേക്ഷകർ ആകാംക്ഷയോടെ കാത്തിരിക്കുകയാണ്.
Story Highlights: Bougainvillea, starring Kunchacko Boban, Fahadh Faasil, and Jyothirmayi, set for October 17 release with advance booking now open.
