Fahadh Faasil's Vertu phone: Details and price revealed

സമൂഹമാധ്യമങ്ങളിൽ ഫഹദിന്റെ ഫോൺ ചർച്ചയാവുകയാണ്. സിനിമാ പൂജാ ചടങ്ങിൽ താരത്തിന്റെ കയ്യിൽ കണ്ട ഒരു കൊച്ചു കീപാഡ് ഫോൺ കണ്ട് ആളുകൾ അതിശയിച്ചു. സ്മാർട്ട്ഫോൺ യുഗത്തിൽ കീപാഡ് ഫോൺ ഉപയോഗിക്കുന്ന ഫഹദിന്റെ എളിമയെക്കുറിച്ചും ലാളിത്യത്തെക്കുറിച്ചുമുള്ള ചർച്ചകളാണ് എവിടെയും. ഒടുവിൽ ആ ഫോണിനെക്കുറിച്ചുള്ള വിവരങ്ങൾ പുറത്തുവന്നിരിക്കുകയാണ്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സെലിബ്രിറ്റികൾ പൊതുസ്ഥലങ്ങളിൽ തങ്ങളുടെ പുതിയ ഗാഡ്ജെറ്റുകൾ പ്രദർശിപ്പിക്കുന്നത് പതിവാണ്. അവർ ഉപയോഗിക്കുന്ന വസ്തുക്കളെക്കുറിച്ച് അറിയാൻ ആളുകൾക്ക് എപ്പോഴും ആകാംഷയുണ്ട്. സിനിമാ പൂജാ ചടങ്ങിൽ ഫഹദ് ഉപയോഗിച്ചിരുന്നത് ആഗോള ബ്രാൻഡായ വെർട്ടുവിന്റെ ഫോണാണ്. വെർട്ടു അസന്റ് സീരീസിലുള്ള ഫോണാണ് ഫഹദ് ഉപയോഗിക്കുന്നതെന്നാണ് റിപ്പോർട്ടുകൾ സൂചിപ്പിക്കുന്നത്.

സമൂഹമാധ്യമങ്ങളിൽ താരത്തിന്റെ എളിമയും ലാളിത്യവുമാണ് പ്രധാന ചർച്ചാവിഷയം. വലിയ താരമായിട്ടും അദ്ദേഹത്തിന്റെ ലളിതമായ ജീവിതരീതിയെ പലരും പ്രശംസിച്ചു. ഫഹദിന് സ്മാർട്ട്ഫോൺ ഇല്ലെന്നും അദ്ദേഹം ചെറിയ ഫോണാണ് ഉപയോഗിക്കുന്നതെന്നും നടൻ വിനയ് ഫോർട്ട് ഒരു അഭിമുഖത്തിൽ പറഞ്ഞിട്ടുണ്ട്.

വെർട്ടു അസന്റ് സീരീസിലെ ഫോണുകൾക്ക് ഏകദേശം അഞ്ച് ലക്ഷം രൂപ വരെ വില വരും. ഇതിൽ ഫഹദ് ഉപയോഗിക്കുന്ന മോഡൽ ഏതാണെന്ന് വ്യക്തമല്ല. ഫസ്റ്റ് പോസ്റ്റിലെ റിപ്പോർട്ട് അനുസരിച്ച് Vertu Ascent Ti Ferrari Nero ലിമിറ്റഡ് എഡിഷൻ ഫോൺ ആണിത്. ഈ ഫോൺ പുറത്തിറക്കിയ സമയത്ത് ഏകദേശം നാല് ലക്ഷം രൂപയായിരുന്നു വില.

1998-ൽ സ്ഥാപിതമായ വെർട്ടു, യുകെ ആസ്ഥാനമായി പ്രവർത്തിച്ചിരുന്ന ഒരു ബ്രാൻഡാണ്. സ്വർണം ഉൾപ്പെടെയുള്ള വിലകൂടിയ വസ്തുക്കൾ ഉപയോഗിച്ച് നിർമ്മിച്ച ആഡംബര ഹാൻഡ്മെയ്ഡ് ഫോണുകളാണ് വെർട്ടുവിന്റേത്. ഇപ്പോൾ ഹോങ്കോങ്ങിലെയും ഫ്രാൻസിലെയും രണ്ട് സ്ഥാപനങ്ങളുടെ ഉടമസ്ഥതയിലാണ് ഈ ബ്രാൻഡ്.

ലോകത്തിലെ അതിസമ്പന്നരായ വ്യക്തികളെ ലക്ഷ്യമിട്ടുള്ള ഫോണുകളാണ് വെർട്ടു പ്രധാനമായും പുറത്തിറക്കുന്നത്. ക്വാൽകോമിന്റെ ഏറ്റവും പുതിയ സ്നാപ്ഡ്രാഗൺ 8 എലൈറ്റ് ചിപ്പിൽ പ്രവർത്തിക്കുന്ന ഫോൾഡബിൾ ടച്ച് സ്ക്രീൻ ഫ്ലിപ്പ് സ്മാർട്ട്ഫോണുകളും വെർട്ടുവിനുണ്ട്. നിലവിൽ ഇബേ പോലുള്ള പ്ലാറ്റ്ഫോമുകളിൽ രണ്ട് ലക്ഷം രൂപയിൽ താഴെ വിലയ്ക്ക് Vertu Ascent Ti Ferrari Nero ലഭ്യമാണ്.

story_highlight:സിനിമാ പൂജാ ചടങ്ങിൽ ഫഹദ് ഉപയോഗിച്ച വെർട്ടു അസന്റ് സീരീസിലുള്ള ഫോണിനെക്കുറിച്ചുള്ള വിവരങ്ങൾ പുറത്ത്.

ഫഹദ് ഫാസിലിന്റെ ഗ്യാരേജിലേക്ക് പുത്തൻ അതിഥി; ഗോൾഫ് ജി ടി ഐ സ്വന്തമാക്കി താരം