Bomb Threat at Kollam Collectorate Following Similar Threats in Two Other Districts

കൊല്ലം കളക്ട്രേറ്റിലേക്ക് ബോംബ് ഭീഷണി സന്ദേശം ഇമെയിൽ വഴി ലഭിച്ചതായി റിപ്പോർട്ടുകൾ സൂചിപ്പിക്കുന്നു. തിരുവനന്തപുരം, പത്തനംതിട്ട ജില്ലകളിലെ കളക്ടറേറ്റുകൾക്ക് സമാനമായ ഭീഷണി സന്ദേശങ്ങൾ ലഭിച്ചതിന് പിന്നാലെയാണ് കൊല്ലത്തും ഭീഷണിയുണ്ടായത്. കളക്ടറേറ്റിലെ ജീവനക്കാർ രാവിലെ എത്തിയ ഈമെയിൽ വൈകിയാണ് ശ്രദ്ധിച്ചത്. പോലീസും ബോംബ് സ്ക്വാഡും കളക്ടറേറ്റിന്റെ വിവിധ ഭാഗങ്ങളിൽ വിശദമായ പരിശോധന നടത്തിയെങ്കിലും സംശയാസ്പദമായ ഒന്നും കണ്ടെത്തിയില്ല.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പത്തനംതിട്ട കളക്ടറുടെ ഔദ്യോഗിക ഇമെയിലിലേക്ക് രാവിലെയാണ് ഭീഷണി സന്ദേശം എത്തിയത്. കളക്ടറേറ്റിൽ ബോംബ് വെച്ചിട്ടുണ്ടെന്നായിരുന്നു സന്ദേശത്തിലെ ഭീഷണി. പോലീസും ബോംബ് സ്ക്വാഡും ഉടൻ തന്നെ സ്ഥലത്തെത്തി പരിശോധന നടത്തിയെങ്കിലും സ്ഫോടക വസ്തുക്കളൊന്നും കണ്ടെത്താനായില്ല. മെയിലിന്റെ ഉറവിടം കണ്ടെത്താനുള്ള ശ്രമത്തിലാണ് പോലീസ്.

വ്യാജ ഭീഷണി മുൻനിർത്തി കേസെടുത്ത് അന്വേഷണം ആരംഭിച്ചിട്ടുണ്ട്. പത്തനംതിട്ടയിലെ സംഭവത്തിന്റെ ആശങ്ക വിട്ടുമാറുന്നതിന് മുൻപാണ് തിരുവനന്തപുരം കളക്ടറേറ്റിലേക്കും ഉച്ചയ്ക്ക് രണ്ട് മണിയോടെ ബോംബ് ഭീഷണി സന്ദേശം എത്തിയത്. പോലീസും ബോംബ് സ്ക്വാഡും സ്ഥലത്തെത്തി കളക്ടറേറ്റിനുള്ളിലും പരിസരത്തും പരിശോധന നടത്തി. ഈ സമയത്ത് കളക്ടറേറ്റ് വളപ്പിലുണ്ടായിരുന്ന കടന്നൽക്കൂട് ഇളകി കടന്നലുകളുടെ ആക്രമണമുണ്ടായി.

ആരോഗ്യ മന്ത്രി വീണാ ജോർജ് ആശുപത്രി വിട്ടു

ബോംബ് സ്ക്വാഡ് ഉദ്യോഗസ്ഥർ, കളക്ടറേറ്റ് ജീവനക്കാർ, മാധ്യമപ്രവർത്തകർ എന്നിവർക്ക് കടന്നൽക്കുത്തേറ്റു. പരിശോധന നടക്കുന്ന സമയം ജീവനക്കാർ കെട്ടിടത്തിന് പുറത്തായിരുന്നതിനാൽ വൻ അപകടം ഒഴിവായി. മൂന്ന് കളക്ടറേറ്റുകളിലേക്കും ലഭിച്ച ഭീഷണി സന്ദേശങ്ങൾ ഒരാൾ തന്നെയാണോ അയച്ചതെന്ന് പോലീസ് അന്വേഷിക്കുന്നുണ്ട്. സന്ദേശങ്ങളുടെ ഉറവിടം കണ്ടെത്തുന്നതിലാണ് അന്വേഷണ സംഘത്തിന്റെ ശ്രദ്ധ കേന്ദ്രീകരിച്ചിരിക്കുന്നത്.

കൊല്ലം, തിരുവനന്തപുരം, പത്തനംതിട്ട എന്നീ മൂന്ന് ജില്ലകളിലെയും കളക്ടറേറ്റുകളിൽ നടത്തിയ പരിശോധനയിൽ സ്ഫോടക വസ്തുക്കളൊന്നും കണ്ടെത്തിയില്ല. വ്യാജ ഭീഷണി സന്ദേശങ്ങൾ പ്രചരിപ്പിച്ചവരെ കണ്ടെത്താനുള്ള ശ്രമങ്ങൾ ഊർജിതമാക്കിയിട്ടുണ്ട്.

Story Highlights: Bomb threats sent via email to Kollam, Thiruvananthapuram, and Pathanamthitta collectorates caused widespread panic and extensive searches, though no explosives were found.

കൊല്ലത്ത് നാളെ എഐഎസ്എഫ് വിദ്യാഭ്യാസ ബന്ദ്; എസ്എഫ്ഐയുടെ അക്രമ രാഷ്ട്രീയത്തിനെതിരെ പ്രതിഷേധം