Boby Chemmanur Suffers Health Issue in Court After Honey Rose Case Remand

ഹണി റോസ് നൽകിയ ലൈംഗിക അധിക്ഷേപ കേസിൽ റിമാൻഡിലായ വ്യവസായി ബോബി ചെമ്മണ്ണൂരിന് കോടതിയിൽ വെച്ച് ദേഹാസ്വാസ്ഥ്യം അനുഭവപ്പെട്ടു. ഉയർന്ന രക്തസമ്മർദ്ദത്തെ തുടർന്നാണ് ബോബി ചെമ്മണ്ണൂരിന് ദേഹാസ്വാസ്ഥ്യം ഉണ്ടായത്. 14 ദിവസത്തേക്ക് റിമാൻഡ് ചെയ്യാൻ കോടതി ഉത്തരവിട്ടതിന് പിന്നാലെയാണ് ഇദ്ദേഹത്തിന് പ്രതികൂട്ടിൽ വെച്ച് തളർന്നു വീണത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ബോബി ചെമ്മണ്ണൂരിനെ വയനാട്ടിലെ റിസോർട്ടിൽ നിന്നാണ് കൊച്ചി പോലീസ് കസ്റ്റഡിയിലെടുത്തത്. അറസ്റ്റ് രേഖപ്പെടുത്തിയത് ഇന്നലെ വൈകിട്ട് എട്ട് മണിയോടെയാണ്. ഇന്ന് ഉച്ചയ്ക്ക് 12 മണിയോടെ പ്രതിയെ കോടതിയിൽ ഹാജരാക്കി.

ദേഹാസ്വാസ്ഥ്യം നേരിട്ടതിനെ തുടർന്ന് കോടതി മുറിയിൽ തന്നെ വിശ്രമിക്കാൻ അനുവദിച്ചു. തുടർന്ന് ബോബിയെ ആശുപത്രിയിലേക്ക് മാറ്റുമെന്ന് അധികൃതർ അറിയിച്ചു. പ്രോസിക്യൂഷൻ കോടതിയിൽ ചൂണ്ടിക്കാണിച്ചത്, ബോബി ചെമ്മണ്ണൂർ പല അഭിമുഖങ്ങളിലും മോശം പരാമർശങ്ങൾ നടത്തിയെന്നാണ്.

ലൈംഗിക ചുവയോടെ സ്ത്രീ ശരീരത്തെ വർണ്ണിക്കുന്നത് ലൈംഗിക അതിക്രമം തന്നെയാണെന്ന് പ്രോസിക്യൂഷൻ വ്യക്തമാക്കി. “കുന്തിദേവിയായി അഭിനയിച്ച നടിയെ പോലെയുണ്ട് ഹണിയെ കാണാൻ” എന്നാണ് ബോബി ചെമ്മണ്ണൂർ പറഞ്ഞതെന്നും പ്രോസിക്യൂഷൻ കോടതിയെ അറിയിച്ചു. പ്രതി മോശം പരാമർശങ്ങൾ ആവർത്തിക്കുകയാണെന്നും ജാമ്യം നൽകിയാൽ നീതി ലഭിക്കില്ലെന്നും പ്രോസിക്യൂഷൻ കോടതിയിൽ വാദിച്ചു.

വേനൽ മഴയിൽ രണ്ട് മരണം; ആറ് ജില്ലകളിൽ യെല്ലോ അലർട്ട്

ഹണി റോസിനെതിരെ നടത്തിയ പരാമർശങ്ങൾ ലൈംഗിക അധിക്ഷേപത്തിന് തുല്യമാണെന്നും പ്രോസിക്യൂഷൻ കോടതിയെ ബോധ്യപ്പെടുത്താൻ ശ്രമിച്ചു. ബോബി ചെമ്മണ്ണൂരിനെ 14 ദിവസത്തേക്ക് റിമാൻഡ് ചെയ്യാനാണ് കോടതി ഉത്തരവിട്ടത്.

Story Highlights: Businessman Boby Chemmanur experienced health issues after being remanded in a sexual harassment case filed by actress Honey Rose.

മുടി സംബന്ധിച്ച പരാമർശം ലൈംഗികാതിക്രമമല്ല: ബോംബെ ഹൈക്കോടതി