Boby Chemmanur Denied Bail, Remanded for 14 Days in Honey Rose Case

നടി ഹണി റോസിനെതിരെ നടന്ന ലൈംഗിക അധിക്ഷേപ പരാതിയിൽ പ്രതിയായ വ്യവസായി ബോബി ചെമ്മണ്ണൂരിന് ജാമ്യം നിഷേധിച്ചു. എറണാകുളം ജുഡീഷ്യൽ മജിസ്ട്രേറ്റ് കോടതിയാണ് ബോബി ചെമ്മണ്ണൂരിനെ 14 ദിവസത്തേക്ക് റിമാൻഡ് ചെയ്തത്. പ്രതിഭാഗത്തിന്റെ ജാമ്യാപേക്ഷയെ പ്രോസിക്യൂഷൻ ശക്തമായി എതിർത്തു. കേസിന് ആസ്പദമായ പരിപാടിയുടെ ദൃശ്യങ്ങൾ പൂർണമായും പ്രസിദ്ധീകരിച്ചിട്ടുണ്ടെന്ന് പ്രതിഭാഗം കോടതിയിൽ വാദിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പ്രതിക്ക് ജാമ്യം അനുവദിച്ചാൽ സമൂഹമാധ്യമങ്ങളിൽ മോശം പരാമർശങ്ങൾ നടത്തുന്നവർക്ക് അതൊരു പ്രോത്സാഹനമാകുമെന്ന് പ്രോസിക്യൂഷൻ ചൂണ്ടിക്കാട്ടി. ഇലക്ട്രോണിക് തെളിവുകളുടെ അടിസ്ഥാനത്തിലാണ് കേസ് എന്ന് പ്രതിഭാഗം വാദിച്ചു. അതിനാൽ പരിപാടിയുടെ മുഴുവൻ ദൃശ്യങ്ങളും കാണണമെന്നും പ്രതിഭാഗം ആവശ്യപ്പെട്ടു. വിഡിയോ കാണുന്നതിൽ എതിർപ്പുണ്ടോ എന്ന് പ്രോസിക്യൂഷനോട് കോടതി ചോദിച്ചു.

ലൈംഗിക ചുവയോടെ സ്ത്രീ ശരീരത്തെ വർണ്ണിക്കുന്നത് ലൈംഗിക അതിക്രമം തന്നെയാണെന്ന് പ്രോസിക്യൂഷൻ വാദിച്ചു. കുന്തി ദേവിയായി അഭിനയിച്ച നടിയെ പോലെയാണ് ഹണി റോസിനെ കാണാൻ എന്നാണ് ബോബി ചെമ്മണ്ണൂർ പറഞ്ഞതെന്ന് പ്രോസിക്യൂഷൻ കോടതിയെ അറിയിച്ചു. പ്രതി മോശം പരാമർശങ്ങൾ ആവർത്തിക്കുകയാണെന്നും ജാമ്യം നൽകിയാൽ നീതി ലഭിക്കില്ലെന്നും പ്രോസിക്യൂഷൻ പറഞ്ഞു. പല അഭിമുഖങ്ങളിലും ബോബി ചെമ്മണ്ണൂർ മോശം പരാമർശങ്ങൾ ആവർത്തിച്ചതായി പ്രോസിക്യൂഷൻ ചൂണ്ടിക്കാട്ടി.

തിരുവനന്തപുരത്ത് എൽഡിഎഫ് സ്ഥാനാർത്ഥിക്ക് ലഹരിസംഘത്തിൻ്റെ ആക്രമണം; നിരവധി പേർക്ക് പരിക്ക്

ഭാരതീയ ന്യായ സംഹിത പ്രകാരം ചുമത്തിയ വകുപ്പുകൾ ജാമ്യം നിഷേധിക്കാൻ പോന്നതാണെന്ന് പ്രോസിക്യൂഷൻ കോടതിയിൽ വാദിച്ചു. ജാമ്യം നൽകിയാൽ സമൂഹത്തിന് കൂടി തെറ്റായ സന്ദേശം നൽകുമെന്ന് പ്രോസിക്യൂഷൻ കോടതിയിൽ വാദിച്ചു. എന്നാൽ മോശമായി സംസാരിച്ചിട്ടില്ലെന്നും പ്രതിഭാഗം വാദിച്ചു. വിഡിയോ ചേമ്പറിൽ കണ്ടേക്കാമെന്നും കോടതി അറിയിച്ചു.

Story Highlights: Boby Chemmanur was remanded for 14 days after his bail application was rejected in the sexual harassment case filed by actress Honey Rose.

രാഹുൽ മാങ്കൂട്ടത്തിനെതിരെ വീണ്ടും ലൈംഗികാരോപണം; പരാതി ഡിജിപിക്ക് കൈമാറി