BJP's Palakkad By-election Defeat: Internal Conflicts and Vote Loss

പാലക്കാട് ഉപതിരഞ്ഞെടുപ്പിലെ തോൽവി ബിജെപിയെ വലിയ തോതിൽ അലട്ടുന്നുണ്ട്. എ ക്ലാസ് മണ്ഡലത്തിലെ പരാജയം മാത്രമല്ല, സംസ്ഥാന അധ്യക്ഷൻ നേരിട്ട് നയിച്ച തിരഞ്ഞെടുപ്പിൽ വോട്ടിലുണ്ടായ ചോർച്ചയും പാർട്ടിക്കുള്ളിൽ ചോദ്യം ചെയ്യപ്പെടും. ബിജെപി ഭരണമുള്ള പാലക്കാട് നഗരസഭയിൽ വോട്ട് കുറഞ്ഞതും പാർട്ടി കേന്ദ്രങ്ങളിൽ ഞെട്ടലുണ്ടാക്കിയിട്ടുണ്ട്. 2021ലെ നിയമസഭാ തിരഞ്ഞെടുപ്പുമായി താരതമ്യം ചെയ്യുമ്പോൾ 7066 വോട്ടുകളാണ് പാലക്കാട് നഗരസഭയിൽ ബിജെപിക്ക് കുറഞ്ഞത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

തിരഞ്ഞെടുപ്പ് തുടക്കം മുതൽ ബിജെപിയിൽ കല്ലുകടിയായിരുന്നു. ശോഭാ സുരേന്ദ്രന് വേണ്ടി ദേശീയ കൗൺസിൽ അംഗം നേരിട്ട് രംഗത്തിറങ്ങിയപ്പോൾ തന്നെ പാളയത്തിൽ പടയാരംഭിച്ചു. എൻ ശിവരാജനെ വിലക്കിയിട്ടും പ്രശ്നങ്ങൾ തീർന്നില്ല. പ്രചരണത്തിലെ മെല്ലപ്പോക്ക് ചർച്ചയായി. സ്ഥിരം സ്ഥാനാർത്ഥിയെന്ന ലേബലും, വോട്ടല്ല നോട്ടിലാണ് കണ്ണെന്ന ആരോപണങ്ങളും സി കൃഷ്ണകുമാറിന് തിരിച്ചടിയായി. മൂത്താൻ സമുദായം കൈവിടുമെന്ന് കരുതിയെങ്കിലും അതുണ്ടായില്ല.

എ ക്ലാസ് മണ്ഡലത്തിലെ നാണംകെട്ട തോൽവിക്ക് നേതാക്കൾ മറുപടി പറയേണ്ടി വരും. വോട്ട് കുറഞ്ഞത് പരിശോധിക്കുമെന്ന് സംസ്ഥാന അധ്യക്ഷൻ കെ സുരേന്ദ്രനും സ്ഥാനാർഥി സി കൃഷ്ണകുമാറും പറഞ്ഞു. തിരഞ്ഞെടുപ്പ് നിയന്ത്രണം പൂർണമായി കെ സുരേന്ദ്രന്റെ കയ്യിലായിരുന്നു. വിജയസാധ്യതയുള്ള മറ്റ് സ്ഥാനാർത്ഥികളെ പരിഗണിക്കാത്തതിൽ ഒരു വിഭാഗത്തിന് കടുത്ത അതൃപ്തിയുണ്ട്. ഇതിനുള്ള മറുപടി കൂടി സുരേന്ദ്രൻ നൽകേണ്ടി വരും. സന്ദീപ് വാര്യരുടെ സാന്നിധ്യവും അവസാനഘട്ടത്തിൽ ബിജെപിക്ക് തിരിച്ചടിയായിട്ടുണ്ട്. ശക്തിമേഖലയിലെ തോൽവിയിൽ ഇനിയെന്ത് നടപടിയെന്നാണ് കണ്ടറിയേണ്ടത്.

യുഡിഎഫിനെ ശക്തിപ്പെടുത്താൻ പുതിയ പദ്ധതികളുമായി മുന്നോട്ട് പോകുമെന്ന് സണ്ണി ജോസഫ്

Story Highlights: BJP faces setback in Palakkad by-election with significant vote loss and internal conflicts

പാലക്കാട്: കടയുടെ പൂട്ട് പൊളിച്ച് റബ്ബർഷീറ്റും അടക്കയും മോഷ്ടിച്ച സൈനികൻ പിടിയിൽ