BJP Central Leadership Intervenes in Kerala After By-election Loss

പാലക്കാട് ഉപതിരഞ്ഞെടുപ്പ് തോൽവിയെ തുടർന്ന് ബിജെപിയിൽ ഉണ്ടായ ആഭ്യന്തര കലഹത്തിൽ കേന്ദ്ര നേതൃത്വം ഇടപെട്ടു. പ്രശ്നപരിഹാരത്തിനായി കേരളത്തിലെ നേതാക്കളുമായി കേന്ദ്ര നേതൃത്വം ചർച്ച നടത്തും. സംസ്ഥാന നേതൃത്വത്തെ വിമർശിച്ച മുതിർന്ന നേതാവ് എൻ. ശിവരാജനും പാലക്കാട് നഗരസഭ അധ്യക്ഷ പ്രമീള ശശിധരനുമെതിരെ നടപടിയെടുക്കുന്നതിൽ പാർട്ടിയിൽ ആശയക്കുഴപ്പം തുടരുകയാണ്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഈ സാഹചര്യത്തിൽ, ബിജെപി സംസ്ഥാന അധ്യക്ഷൻ കെ. സുരേന്ദ്രൻ മാധ്യമപ്രവർത്തകർക്കെതിരെ ഭീഷണിയുമായി രംഗത്തെത്തി. ബിജെപിയെ പൊതുസമൂഹത്തിൽ അപകീർത്തിപ്പെടുത്താൻ ശ്രമിക്കുന്ന മാധ്യമപ്രവർത്തകരെ വെറുതെ വിടില്ലെന്ന് അദ്ദേഹം വ്യക്തമാക്കി. കഴിഞ്ഞ മൂന്നു നാലു ദിവസങ്ങളിൽ മാധ്യമങ്ങൾ നടത്തുന്ന ശ്രമങ്ങളെ ഒരു തരത്തിലും അംഗീകരിക്കില്ലെന്നും സുരേന്ദ്രൻ പറഞ്ഞു.

ബിജെപി എന്ന മഹാപ്രസ്ഥാനത്തെ അപമാനിച്ചാൽ ആരെയും വെറുതെ വിടില്ലെന്ന് സുരേന്ദ്രൻ മുന്നറിയിപ്പ് നൽകി. കള്ള വാർത്തകൾ പ്രചരിപ്പിക്കുന്നവരെ ശരിയായ രീതിയിൽ കൈകാര്യം ചെയ്യുമെന്നും അദ്ദേഹം വ്യക്തമാക്കി. പാലക്കാട് ഉപതിരഞ്ഞെടുപ്പിന്റെ മറവിൽ നൂറുകണക്കിന് ആളുകൾ ബലികൊടുത്ത് പടുത്തുയർത്തിയ പ്രസ്ഥാനത്തെ കരിവാരി തേക്കാൻ മാധ്യമങ്ങൾ നടത്തുന്ന ശ്രമത്തെ ഒരു തരത്തിലും അംഗീകരിക്കില്ലെന്നും കെ. സുരേന്ദ്രൻ കൂട്ടിച്ചേർത്തു.

എടുക്കാച്ചരക്കാകും എന്ന് പാലോട് രവി; വിശദീകരണം തേടി കെപിസിസി

Story Highlights: BJP central leadership intervenes in Kerala after by-election defeat

പുതിയ ഡി.സി.സി അധ്യക്ഷന്മാർക്ക് തിരഞ്ഞെടുപ്പിൽ വിലക്ക്; കെ.പി.സി.സി തീരുമാനം