Bihar Woman Lands 60 Lakh Job at Google Without IIT/IIM Degree

ബിഹാറിൽ നിന്നുള്ള പെൺകുട്ടിയുടെ കരിയർ നേട്ടം സമൂഹ മാധ്യമങ്ങളിൽ വലിയ ചർച്ചയായിരിക്കുകയാണ്. അലങ്കൃത സാക്ഷി എന്ന യുവതി ഗൂഗിളിൽ സെക്യൂരിറ്റി അനലൈസറായി 60 ലക്ഷം രൂപ വാർഷിക ശമ്പളത്തിൽ ജോലി നേടി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഐഐഎമ്മിലോ ഐഐടിയിലോ പഠിച്ചാൽ മാത്രമേ വമ്പൻ കമ്പനികളിൽ ഉയർന്ന ശമ്പളത്തിൽ ഉന്നത പദവിയിലെത്താൻ കഴിയൂ എന്ന ഇന്ത്യൻ യുവാക്കളുടെ ധാരണയെ ഇതോടെ അട്ടിമറിച്ചിരിക്കുകയാണ്. ജാർഖണ്ഡിലെ യൂണിവേഴ്സിറ്റി കോളേജ് ഓഫ് എഞ്ചിനീയറിങ് ആൻ്റ് ടെക്നോളജിയിൽ നിന്ന് ബിടെക് ബിരുദം നേടിയ അലങ്കൃത, വിപ്രോയിൽ പ്രൊജക്ട് എഞ്ചിനീയറായി ജോലി ആരംഭിച്ചു.

പിന്നീട് ഏണസ്റ്റ് ആൻ്റ് യങ് കമ്പനിയിൽ സെക്യൂരിറ്റി അനലിസ്റ്റായി ജോലി ചെയ്തു. ഈ രണ്ട് സ്ഥാപനങ്ങളിലെ അനുഭവ സമ്പത്താണ് അലങ്കൃതയെ ഗൂഗിളിലേക്ക് നയിച്ചത്.

ലിങ്ക്ഡ് ഇനിലെ തൻ്റെ അക്കൗണ്ടിൽ പങ്കുവച്ച കുറിപ്പിലൂടെയാണ് അവർ ഈ നേട്ടം അറിയിച്ചത്. സാധാരണയായി ഐഐടി, ഐഐഎം എന്നിവിടങ്ങളിൽ നിന്ന് പഠിച്ചിറങ്ങുന്ന യുവാക്കൾക്കാണ് വമ്പൻ കമ്പനികളിൽ നിന്ന് ഉയർന്ന ശമ്പളത്തിൽ ഓഫർ ലഭിക്കാറുള്ളത്.

പ്രതിരോധ കയറ്റുമതിയിൽ ഇന്ത്യ റെക്കോർഡ് നേട്ടം

ഇത്തരം സ്ഥാപനങ്ങളിൽ പ്രവേശനം നേടാൻ യുവാക്കൾ കഠിനമായി പരിശ്രമിക്കുന്ന സമയത്താണ് അലങ്കൃത തൻ്റെ വിജയകഥ പങ്കുവച്ചത്. നിരവധി പേർ യുവതിക്ക് ആശംസകളും അഭിനന്ദനങ്ങളുമായി എത്തിയിട്ടുണ്ട്.

Story Highlights: Bihar woman lands Rs 60 lakh job offer from Google as Security Analyst, challenging IIT/IIM perception

ആൻഡ്രോയിഡ് 16 ബീറ്റ 3.2 അപ്ഡേറ്റ് ഗൂഗിൾ പുറത്തിറക്കി