Dulquer Salmaan ED Questioning in Bhutan Vehicle Smuggling Case

കൊച്ചി◾: ഭൂട്ടാൻ വാഹന കള്ളക്കടത്തുമായി ബന്ധപ്പെട്ട് എൻഫോഴ്സ്മെൻ്റ് ഡയറക്ടറേറ്റ് (ഇഡി) റെയ്ഡിനിടെ നടൻ ദുൽഖർ സൽമാൻ കൊച്ചിയിലെത്തി. അദ്ദേഹത്തെ ഇഡി ഉദ്യോഗസ്ഥർ ചോദ്യം ചെയ്യുകയാണ്. ലഭിച്ച രേഖകളുടെ അടിസ്ഥാനത്തിലാണ് പ്രധാനമായും മൊഴിയെടുക്കൽ നടക്കുന്നത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഇഡി ഉദ്യോഗസ്ഥർ ദുൽഖർ സൽമാന്റെ മൊഴി നേരിട്ട് എടുക്കുന്നതിനായി അദ്ദേഹത്തെ വിളിച്ചു വരുത്തുകയായിരുന്നു. ഫെമ നിയമലംഘനവുമായി ബന്ധപ്പെട്ടാണ് നിലവിൽ പരിശോധന നടക്കുന്നതെന്ന് ഇഡി അറിയിച്ചു. അതേസമയം, എളംകുളത്തെ വീട്ടിൽ നടന്ന റെയ്ഡ് പൂർത്തിയായിട്ടുണ്ട്.

അഞ്ചു ജില്ലകളിലായി വാഹന ഡീലർമാരുടെ വീടുകളിലും ഒരേസമയം ഇഡി പരിശോധന നടത്തിയിരുന്നു. മമ്മൂട്ടി ഹൗസ്, മമ്മൂട്ടിയും ദുൽഖറും താമസിക്കുന്ന എളംകുളത്തെ പുതിയ വീട്, ദുൽഖറിന്റെ ചെന്നൈയിലെ വീട്, നടൻ പൃഥ്വിരാജിന്റെ വീട്, നടൻ അമിത് ചക്കാലക്കലിന്റെ കടവന്ത്രയിലെ വീട് എന്നിവിടങ്ങളിലായി ഏകദേശം 17 സ്ഥലങ്ങളിലാണ് ഇഡിയുടെ റെയ്ഡ് നടന്നത്.

രാവിലെ ചെന്നൈയിലെ വീട്ടിലായിരുന്ന ദുൽഖർ ഉച്ചയോടെയാണ് നെടുമ്പാശ്ശേരി വിമാനത്താവളത്തിൽ എത്തിയത്. വിമാനത്താവളത്തിൽ കാത്തുനിന്ന മാധ്യമപ്രവർത്തകരോട് ദുൽഖർ സൽമാൻ പ്രതികരിക്കാൻ തയ്യാറായില്ല.

നേരത്തെ കസ്റ്റംസ് അധികൃതർ ദുൽഖറിൽ നിന്ന് വിവരങ്ങൾ തേടുമെന്ന് അറിയിച്ചിരുന്നു. അതിനാൽ ദുൽഖർ ഉച്ചയ്ക്ക് ശേഷം കസ്റ്റംസിന് മുന്നിൽ ഹാജരായേക്കുമെന്നും സൂചനകളുണ്ട്.

ഏഴ് മാസത്തെ ഇടവേളയ്ക്ക് ശേഷം മമ്മൂട്ടി വീണ്ടും സിനിമയിലേക്ക്

ഇതിനിടെ ദുൽഖർ സൽമാന്റെ ചോദ്യം ചെയ്യൽ തുടരുകയാണ്. കൂടുതൽ വിവരങ്ങൾ ലഭ്യമാകുന്നതിനനുസരിച്ച് അപ്ഡേറ്റ് ചെയ്യുന്നതാണ്.

Story Highlights: Dulquer Salmaan appeared for ED questioning in connection with Bhutan vehicle smuggling case.

ഭൂട്ടാൻ കാർ ഇടപാട്: മമ്മൂട്ടി, ദുൽഖർ, പൃഥ്വിരാജ് എന്നിവരുടെ വീടുകളിൽ ഇ.ഡി. റെയ്ഡ്