ബംഗളൂരു◼️ സ്വകാര്യ ദൃശ്യങ്ങൾ പുറത്തു വിടുമെന്ന് ഭീഷണിപ്പെടുത്തി പണം തട്ടിയെന്ന പരാതിയില് അധ്യാപിക അടക്കം മൂന്ന് പേർ അറസ്റ്റിൽ. ബെംഗളൂരുവിലാണ് സംഭവം. വിജയപുര സ്വദേശിയും പ്രീ സ്കൂള് അധ്യാപികയുമായ ശ്രീദേവി രുദാഗി(25), ഗണേഷ് കാലെ(38), സാഗര് മോര(28) എന്നിവരാണ് ബെംഗളൂരു സെന്ട്രല് ക്രൈം ബ്രാഞ്ചിന്റെ പിടിയിലായത്. ശ്രീദേവിയുടെ വിദ്യാര്ത്ഥിയുടെ പിതാവിന്റെ പരാതിയിലാണ് നടപടി.
ബെംഗളൂരുവിലെ മഹാ ലക്ഷ്മി ലേ ഔട്ടില് പ്രീ സ്കൂള് അധ്യാപികയാണ് ശ്രീദേവി. വ്യാപാരിയായ പരാതിക്കാരന് 2023 ല് തന്റെ മൂന്ന് പെണ് മക്കളില് ഇളയവളായ അഞ്ച് വയസുകാരിയെ ശ്രീദേവി പഠിപ്പിച്ചിരുന്ന സ്കൂളില് ചേര്ത്തിരുന്നു. സ്കൂളുമായി ബന്ധപ്പെട്ട് ആവശ്യങ്ങള്ക്കെന്ന് പറഞ്ഞ് ശ്രീദേവി 2024ല് പരാതിക്കാരനില് നിന്ന് രണ്ടു ലക്ഷം രൂപ കൈപ്പറ്റി. തിരികെ നല്കാമെന്ന ഉറപ്പിലായിരുന്നു പരാതിക്കാരന് പണം നല്കിയത്.
പണം തിരികെ ചോദിച്ചപ്പോള് സ്കൂളിന്റെ പാർട്ണർ ആക്കാമെന്ന് പറഞ്ഞ് ശ്രീദേവി ഒഴിഞ്ഞു മാറി. ഇതിനിടെ ഇരുവരും തമ്മില് പ്രണയത്തിലായി. പുതിയ സിം കാര്ഡ് ഉപയോഗിച്ചായിരുന്നു ഇരുവരും ആശയ വിനിമയം നടത്തിയത്. ഇതിനിടെ പരാതിക്കാരന് ശ്രീദേവിയോട് താന് നേരത്തേ നല്കിയ പണം വീണ്ടും ആവശ്യപ്പെട്ടു. ഇതോടെ ശ്രീദേവി പരാതിക്കാരനെ വീട്ടിലേക്ക് വിളിച്ചുവരുത്തി, അടുത്തിടപഴകിയ ശേഷം 50,000 രൂപ കൂടി കൈക്കലാക്കി.
ബന്ധം തുടരുന്നതിനിടെ ശ്രീദേവി പതിനഞ്ച് ലക്ഷം രൂപ കൂടി പരാതിക്കാരനോട് ആവശ്യപ്പെട്ടു. പണം കണ്ടെത്താന് കഴിയാതെ വന്നതോടെ പരാതിക്കാരന് ബന്ധം അവസാനിപ്പിക്കുകയും സിം ഉപേക്ഷിക്കുകയും ചെയ്തു. ഇതോടെ ശ്രീദേവി പരാതിക്കാരന്റെ ഭാര്യയെ ബന്ധപ്പെട്ട് മകളുടെ ടിസി വാങ്ങാന് സ്കൂളിലേക്ക് വരാന് ആവശ്യപ്പെട്ടു. ഇതനുസരിച്ച് സ്കൂളിലെത്തിയ പരാതിക്കാരനെ സാഗറും ഗണേഷും ചേര്ന്ന് കായികമായി നേരിട്ടു. ഒരു കോടി രൂപ നല്കണമെന്നും അല്ലാത്ത പക്ഷം ശ്രീദേവിയുമായുള്ള ബന്ധം വീട്ടില് അറിയിക്കുമെന്നും ഭീഷണി മുഴക്കി. ഒടുവില് 20 ലക്ഷം രൂപ നല്കാമെന്ന് പരാതിക്കാരന് പറഞ്ഞു. വിട്ടയക്കാന് 1.9 ലക്ഷം രൂപ കൈമാറണമെന്ന് ആവശ്യപ്പെട്ടു.
മാര്ച്ച് 19 ന് ശ്രീദേവി വീണ്ടും പരാതിക്കാരനെ ബന്ധപ്പെട്ടു. പണം നല്കിയില്ലെങ്കിൽ സ്വകാര്യ ദൃശ്യങ്ങള് പുറത്തു വിടുമെന്ന് ഭീഷണിപ്പെടുത്തി. ഇതോടെ ഇയാള് ബംഗളൂരു സെന്ട്രൽ ക്രൈം ബ്രാഞ്ചില് പരാതിപ്പെടുകയായിരുന്നു.
Story Highlights: A preschool teacher and two others were arrested in Bengaluru for allegedly extorting money from a man by threatening to release his private videos.
ബെംഗളൂരുവിൽ ഒമ്പതാം ക്ലാസ്സുകാരിയുടെ പരാതിയിൽ അമ്മയ്ക്കെതിരെ പോക്സോ കേസ്. വിവാഹശേഷം ഭർത്താവിനോട് എങ്ങനെ Read more
ബെംഗളൂരുവിൽ ताന്ത്രിക് ആചാരത്തിന്റെ ഭാഗമായി വളർത്തുനായയെ കൊലപ്പെടുത്തി. ത്രിപർണ പയക് എന്ന യുവതിയാണ് Read more
കൊക്കെയ്ൻ കേസിൽ തമിഴ്-തെലുങ്ക് നടൻ ശ്രീകാന്തിനെ ചെന്നൈ കോടതി ജൂലൈ 7 വരെ Read more
പത്തനംതിട്ട മെഴുവേലിയിൽ നവജാതശിശു മരിച്ച സംഭവത്തിൽ അവിവാഹിതയായ അമ്മ അറസ്റ്റിലായി. ബിരുദവിദ്യാർത്ഥിനിയായ 21-കാരിയാണ് Read more
കാസർഗോഡ് ചന്തേര പൊലീസ് നടത്തിയ വാഹന പരിശോധനയിൽ ലക്ഷങ്ങൾ വിലമതിക്കുന്ന നിരോധിത പുകയില Read more
കൊടുവള്ളിയിൽ യുവാവിനെ തട്ടിക്കൊണ്ടുപോയ കേസിൽ മൂന്ന് പേരെ കൂടി അറസ്റ്റ് ചെയ്തു. താമരശ്ശേരി Read more
ബെംഗളൂരുവിൽ കാമുകനുമായുള്ള ബന്ധം അവസാനിപ്പിക്കാൻ തീരുമാനിച്ച യുവതി ഒയോ ഹോട്ടൽ മുറിയിൽ കുത്തേറ്റ് Read more
ബെംഗളൂരു ആനേക്കലിൽ ഭാര്യയെ കൊലപ്പെടുത്തി ഭർത്താവ് പൊലീസ് സ്റ്റേഷനിൽ കീഴടങ്ങി. 26 വയസ്സുള്ള Read more
ബെംഗളൂരു ചിന്നസ്വാമി സ്റ്റേഡിയത്തിലുണ്ടായ അപകടവുമായി ബന്ധപ്പെട്ട് നാല് പേരെ അറസ്റ്റ് ചെയ്തു. റോയൽ Read more
ചിന്നസ്വാമി സ്റ്റേഡിയത്തിലെ ഐപിഎൽ വിജയാഘോഷത്തിനിടെയുണ്ടായ അപകടത്തിന്റെ ഉത്തരവാദിത്വം ആർസിബിക്കും പൊലീസിനുമാണെന്ന് സർക്കാർ അറിയിച്ചു. Read more
