ബാലരാമപുരത്ത് അച്ഛനെ മകൻ സ്ലാബിട്ട് മൂടിയ സംഭവം ദുരൂഹതകൾ നിറഞ്ഞതാണെന്ന് നെയ്യാറ്റിൻകര സിഐയുടെ റിപ്പോർട്ട്. ഗോപൻ സ്വാമി എന്നയാളാണ് മരിച്ചത്. മൃതദേഹം പുറത്തെടുത്ത് പോസ്റ്റുമോർട്ടം നടത്തുന്നതോടെ കൂടുതൽ വ്യക്തത വരുമെന്നാണ് അന്വേഷണ സംഘത്തിന്റെ പ്രതീക്ഷ. സംഭവത്തിൽ കലക്ടർക്ക് റിപ്പോർട്ട് നൽകിയിട്ടുണ്ട്. ഉടൻ നടപടി സ്വീകരിക്കണമെന്നും റിപ്പോർട്ടിൽ ആവശ്യപ്പെടുന്നു.
റിപ്പോർട്ടിന്മേൽ കലക്ടറുടെ തീരുമാനം ഇന്നറിയാം. മൂടിയ സ്ഥലം പൊളിച്ചു പരിശോധിക്കാൻ അനുമതി നൽകണമെന്നും റിപ്പോർട്ടിൽ പറയുന്നു. എന്നാൽ, പിതാവ് ജീവിത സമാധിയായതാണെന്നാണ് മകന്റെ വാദം. സംഭവത്തിൽ ദുരൂഹതയില്ലെന്നും മക്കൾ പറയുന്നു.
ക്ഷേത്രം വളരുന്നതിൽ അസൂയയുള്ളവരാണ് ആരോപണങ്ങൾ ഉന്നയിക്കുന്നതെന്നും മക്കൾ ആരോപിക്കുന്നു. പിതാവ് പറഞ്ഞതനുസരിച്ചാണ് കർമ്മങ്ങൾ ചെയ്തതെന്നും അവർ വ്യക്തമാക്കി. സംഭവത്തിൽ ദുരൂഹത പ്രകടിപ്പിച്ച് നാട്ടുകാരും രംഗത്തെത്തിയിട്ടുണ്ട്.
കഴിഞ്ഞ ദിവസം രാവിലെ ഗോപൻ സ്വാമി സമാധിയായി എന്ന വിവരം കാണിച്ചുകൊണ്ട് വീട്ടുകാർ പോസ്റ്റുകൾ ഇട്ടപ്പോഴാണ് നാട്ടുകാർ മരണവിവരം അറിഞ്ഞത്. തുടർ നടപടിയുടെ ഭാഗമായി മൂടിയ സ്ഥലം പൊളിച്ചു കൂടുതൽ പരിശോധന നടത്തും. സംഭവത്തിൽ ദുരൂഹതയുള്ളതിനാൽ മൂടിയ സ്ഥലം പൊളിച്ചു പരിശോധിക്കാൻ അനുമതി നൽകണമെന്ന് നെയ്യാറ്റിൻകര സിഐയുടെ റിപ്പോർട്ടിൽ ആവശ്യപ്പെടുന്നുണ്ട്.
Story Highlights: A son in Balaramapuram sealed his father’s alleged ‘Jeeva Samadhi’ with a slab, sparking investigations and raising suspicions among locals.
Related posts:
