PV Anvar Criticizes Global Ayyappa Gathering: Politics and Controversy

**മലപ്പുറം◾:** പമ്പയിൽ നടന്ന ആഗോള അയ്യപ്പ സംഗമത്തിനെതിരെ വിമർശനവുമായി രംഗത്തെത്തിയിരിക്കുകയാണ് പി.വി. അൻവർ. ഹൈന്ദവ സമൂഹം ഇത് തിരിച്ചറിയണമെന്നും ഈ സംഗമം വെറും പൊറാട്ട നാടകം ആണെന്നും അദ്ദേഹം കുറ്റപ്പെടുത്തി. മുഖ്യമന്ത്രി വർഗീയമായി ഭിന്നിപ്പിക്കാൻ ശ്രമിക്കുന്നുവെന്നും ന്യൂനപക്ഷത്തെ പൂർണമായി അകറ്റി നിർത്തുകയാണ് ചെയ്തതെന്നും പി.വി. അൻവർ ആരോപിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

അയ്യപ്പനുമായി ആത്മാർത്ഥതയില്ലാത്തവരുടെ സംഗമമാണ് ഇന്നലെ നടന്നതെന്ന് പി.വി. അൻവർ അഭിപ്രായപ്പെട്ടു. മൂന്ന് വർഷം മുമ്പ് ശബരിമല വിഷയത്തിൽ മുഖ്യമന്ത്രിയുടെയും സിപിഐഎമ്മിന്റെയും നിലപാട് കണ്ടതാണ്. അന്ന് സ്ത്രീ സാന്നിധ്യം ശബരിമലയിൽ ഉറപ്പാക്കാൻ വലിയ ശ്രമം നടത്തിയിരുന്നു.

പൊലീസ് വിഷയങ്ങൾ മൂടിവെക്കാനാണ് ഇപ്പോഴത്തെ ശ്രമമെന്നും പി.വി. അൻവർ ആരോപിച്ചു. വർഗീയത ഉപയോഗിച്ച് ഭരണം നിലനിർത്താൻ സർക്കാർ ശ്രമിക്കുകയാണെന്നും അദ്ദേഹം കൂട്ടിച്ചേർത്തു.

അതേസമയം, ആഗോള അയ്യപ്പ സംഗമം പരാജയമാണെന്ന പ്രതിപക്ഷ വിമർശനം സർക്കാർ തള്ളിക്കളഞ്ഞു. സംഗമത്തിൽ 4126 പേർ പങ്കെടുത്തെന്നും പ്രതിപക്ഷത്തിന് രാഷ്ട്രീയ ദുഷ്ടലാക്കാണെന്നും ദേവസ്വം മന്ത്രി വി.എൻ. വാസവൻ പ്രതികരിച്ചു.

പ്രധാനമന്ത്രി നരേന്ദ്രമോദിയെക്കാൾ വർഗീയത തുപ്പുന്ന ഉത്തർപ്രദേശ് മുഖ്യമന്ത്രി യോഗിയെ കൊണ്ടുവരാൻ എന്തിനാണ് സർക്കാർ ശ്രമിച്ചതെന്ന് പി.വി. അൻവർ ചോദിച്ചു. താനൊരു വർഗീയവാദിയാണെന്ന് നെറ്റിപ്പട്ടം കെട്ടിയ ആളെ മുഖ്യമന്ത്രി കാറിൽ കയറ്റിയാണ് അവിടെ എത്തിച്ചതെന്നും അദ്ദേഹം വിമർശിച്ചു.

അയ്യപ്പന്റെ സ്വര്ണം അടിച്ചുമാറ്റിയവര് അയ്യപ്പ സംഗമം നടത്തുന്നു; സര്ക്കാരിനെതിരെ വി.ഡി. സതീശന്

സിപിഐഎം സംസ്ഥാന സെക്രട്ടറി എം.വി. ഗോവിന്ദൻ, ഒഴിഞ്ഞ കസേരകളുണ്ടായിരുന്നത് എ.ഐ. ദൃശ്യങ്ങളാകാമെന്ന് വാദിച്ചു. ഇതിനിടെ, ഹൈന്ദവ സംഘടനകൾ ആഗോള അയ്യപ്പ സംഗമത്തിന് ബദലായി ശബരിമല സംരക്ഷണ സംഗമം നാളെ പന്തളത്ത് നടത്തും.

story_highlight:പി.വി. അൻവർ ആഗോള അയ്യപ്പ സംഗമത്തിനെതിരെ വിമർശനവുമായി രംഗത്ത്.

ആഗോള അയ്യപ്പ സംഗമത്തിന് പിന്നാലെ രാഷ്ട്രീയപ്പോര് മുറുകുന്നു