Australia Offers Work and Holiday Visas to Indians from October 1

ഓസ്ട്രേലിയയും ഇന്ത്യയും തമ്മിലുള്ള വ്യാപാര കരാറിന്റെ അടിസ്ഥാനത്തിൽ പുതിയ വിസാ നയം പ്രഖ്യാപിച്ചിരിക്കുകയാണ് ഓസ്ട്രേലിയൻ സർക്കാർ. ഒക്ടോബർ ഒന്ന് മുതൽ ഇന്ത്യയിൽ നിന്നുള്ള ആയിരം പേർക്ക് വർക്ക് ആൻ്റ് ഹോളിഡേ വീസ അനുവദിക്കുമെന്നാണ് പ്രഖ്യാപനം. കേന്ദ്ര വ്യവസായ വകുപ്പ് മന്ത്രി പിയൂഷ് ഗോയലിൻ്റെ ത്രിദിന സന്ദർശനത്തിന് പിന്നാലെയാണ് ഈ തീരുമാനം വന്നത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഇത് വലിയ നേട്ടമാണെന്ന് കേന്ദ്രമന്ത്രി അഭിപ്രായപ്പെട്ടു. 2022 ഡിസംബറിൽ നിലവിൽ വന്ന ഇന്ത്യ-ഓസ്ട്രേലിയ സാമ്പത്തിക സഹകരണ വ്യാപാര കരാറിലെ സുപ്രധാന ഘടകമാണ് വർക്ക് ആൻ്റ് ഹോളിഡേ വിസ. 18 നും 30 വയസിനുമിടയിൽ പ്രായമുള്ളവർക്ക് ഓസ്ട്രേലിയയിൽ പഠിക്കാനും ജോലി ചെയ്യാനും യാത്ര ചെയ്യാനുമുള്ള അവസരം ഈ വിസ നൽകുന്നു.

ഇത്തരത്തിൽ വിസ ലഭിക്കുന്നവർക്ക് ഒരു വർഷം ഓസ്ട്രേലിയയിൽ താത്കാലികമായി താമസിക്കാം. വിസയ്ക്കുള്ള മാനദണ്ഡങ്ങൾ ഓസ്ട്രേലിയ നിശ്ചയിക്കും. ഇരു രാജ്യങ്ങളും കരാർ വിപുലപ്പെടുത്താനുള്ള ശ്രമത്തിലാണ്.

ഭരണ തലത്തിൽ ഇതിനായുള്ള ചർച്ചകൾ പുരോഗമിക്കുന്നു. 2030 ആകുമ്പോഴേക്കും വർഷം നൂറ് ബില്യൺ ഓസ്ട്രേലിയൻ ഡോളറിൻ്റെ ഉഭയകക്ഷി വ്യാപാരം നടത്തിയെടുക്കുക എന്നതാണ് ചർച്ചകളുടെ പ്രധാന ലക്ഷ്യം. ഈ പുതിയ വിസാ നയം ഇരു രാജ്യങ്ങളുടെയും സാമ്പത്തിക ബന്ധം കൂടുതൽ ശക്തിപ്പെടുത്തുമെന്ന് പ്രതീക്ഷിക്കപ്പെടുന്നു.

മനോജ് കുമാർ അന്തരിച്ചു

Story Highlights: Australia to offer work and holiday visas to 1000 Indians from October 1 under trade agreement

ഭാര്യ തിരികെ വരാത്തതിൽ മനംനൊന്ത് യുവാവ് പെട്രോളൊഴിച്ച് തീകൊളുത്തിയ ശേഷം തൂങ്ങിമരിച്ചു