Assam Man Arrested in Pathanamthitta for Derogatory Facebook Posts

പത്തനംതിട്ട◾: ആസാം സ്വദേശിയായ യുവാവിനെ രാജ്യവിരുദ്ധ പ്രചാരണത്തിന് പത്തനംതിട്ടയിൽ അറസ്റ്റ് ചെയ്തു. പ്രധാനമന്ത്രിയെ അടക്കമുള്ളവരെ മോശമായി ചിത്രീകരിച്ച് ഫേസ്ബുക്കിൽ പോസ്റ്റുകൾ ഇട്ടതിനാണ് അറസ്റ്റ്. ആറന്മുള പോലീസ് ഇൻസ്പെക്ടർ വി എസ് പ്രവീണിന്റെ നേതൃത്വത്തിലുള്ള സംഘമാണ് ഇദ്രിഷ് അലിയെന്ന യുവാവിനെ അറസ്റ്റ് ചെയ്തത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ആസാം ദിബ്രൂഗഡ് സോണിട്ട്പുർ, ബോകജൻ, ജാഗ്ലോവനി സ്വദേശിയായ ബിലാൽ അലിയുടെ മകൻ ഇദ്രിഷ് അലി (23) ആണ് അറസ്റ്റിലായത്. രാജ്യവിരുദ്ധ പ്രചാരണം നടത്തി ജനങ്ങളെ പ്രകോപിപ്പിക്കുക എന്ന ലക്ഷ്യത്തോടെയാണ് ഇയാൾ പോസ്റ്റുകൾ ഇട്ടതെന്ന് പോലീസ് പറഞ്ഞു. ബി എൻ എസിലെ വകുപ്പ് 196 പ്രകാരമാണ് കേസെടുത്തിരിക്കുന്നത്.

ആറന്മുള നാൽക്കാലിക്കൽ പാലത്തിനു സമീപം മത്സ്യവ്യാപാരിയായി ജോലി ചെയ്തുവരികയായിരുന്നു ഇയാൾ. പ്രധാനമന്ത്രിയെയും മറ്റ് നേതാക്കളെയും അപമാനിക്കുന്ന തരത്തിലുള്ള പോസ്റ്റുകൾ ഇട്ടതായി പരാതി ലഭിച്ചതിനെ തുടർന്നാണ് നടപടി. ഇന്നലെ വൈകുന്നേരം അഞ്ച് മണിയോടെയാണ് ഇയാളെ കസ്റ്റഡിയിലെടുത്തത്.

പോലീസ് സ്റ്റേഷനിൽ എത്തിച്ച് വിശദമായി ചോദ്യം ചെയ്ത ശേഷം ഏഴരയോടെയാണ് അറസ്റ്റ് രേഖപ്പെടുത്തിയത്. ഇയാളുടെ കൈവശമുണ്ടായിരുന്ന മൊബൈൽ ഫോൺ പിടിച്ചെടുത്തിട്ടുണ്ട്. കൂടുതൽ ചോദ്യം ചെയ്യലിൽ ഒന്നിലധികം മൊബൈൽ ഫോണുകൾ ഇയാൾ ഉപയോഗിക്കുന്നതായി കണ്ടെത്തി.

കോഴിക്കോട്: മുന്നറിയിപ്പില്ലാതെ വൈദ്യുതി മുടക്കം; രോഗികളടക്കം വലഞ്ഞു

വാടകയ്ക്ക് താമസിക്കുന്ന കിടങ്ങന്നൂർ വല്ലനലയിലെ വീട്ടിൽ നടത്തിയ പരിശോധനയിൽ മറ്റൊരു ഫോൺ കൂടി കണ്ടെടുത്തു. ജില്ലാ പോലീസ് മേധാവിയുടെ നിർദ്ദേശപ്രകാരം സംഭവത്തിൽ വിശദമായ അന്വേഷണം നടന്നുവരികയാണ്. പ്രതിയെ കോടതിയിൽ ഹാജരാക്കി.

Story Highlights: A man from Assam was arrested in Pathanamthitta for posting derogatory remarks about the Prime Minister and other leaders on Facebook.

ഷീല സണ്ണി കേസ്: പ്രതി നാരായണദാസ് ബാംഗ്ലൂരിൽ അറസ്റ്റിൽ