Arjun's Lorry Rope Found in Shiroor Search Operation

ഷിരൂരിലെ തിരച്ചിൽ പ്രവർത്തനങ്ങളിൽ പുരോഗതി ഉണ്ടാകുന്നതായി റിപ്പോർട്ടുകൾ. അർജുന്റെ സഹോദരിയുടെ ഭർത്താവ് ജിതിൻ, ഇന്നത്തെ തിരച്ചിലിൽ തൃപ്തി പ്രകടിപ്പിച്ചു. കൃത്യമായ ഏകോപനത്തോടെയുള്ള തിരച്ചിൽ നടക്കുന്നുണ്ടെന്ന് അദ്ദേഹം പറഞ്ഞു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

അർജുന്റെ ട്രക്ക് ഉണ്ടെന്ന് സംശയിക്കുന്ന സ്ഥലത്താണ് മണ്ണ് നീക്കി പരിശോധന നടത്തുന്നത്. അധികൃതർക്ക് മുന്നിൽ വയ്ക്കാൻ മറ്റ് നിർദ്ദേശങ്ങൾ ഒന്നുമില്ലെന്ന് അർജുന്റെ കുടുംബം വ്യക്തമാക്കി. ജില്ലാ ഭരണകൂടത്തിന്റെ തിരച്ചിൽ നടപടികളിലും സംവിധാനത്തിലും പ്രതീക്ഷ വയ്ക്കുന്നതായി ജിതിൻ ട്വന്റിഫോറിനോട് പറഞ്ഞു.

ഈശ്വർ മാൽപേയെ ഉപയോഗിക്കണോ വേണ്ടയോ എന്ന തീരുമാനം ജില്ലാ ഭരണകൂടത്തിന്റേതാണെന്നും അദ്ദേഹം കൂട്ടിച്ചേർത്തു. അതേസമയം, അർജുന്റെ ലോറിയുടെ കയർ കണ്ടെത്തിയതായി റിപ്പോർട്ടുണ്ട്. ഡൈവിംഗ് സംഘം നടത്തിയ തിരച്ചിലിലാണ് അടിത്തട്ടിൽ നിന്ന് കയർ കണ്ടെത്തിയത്.

തിരച്ചിലിന്റെ ഭാഗമാകാൻ റിട്ടയേർഡ് മേജർ ജനറൽ എം ഇന്ദ്രബാലൻ ഇന്ന് ഷിരൂരിലെത്തുമെന്ന് അറിയിച്ചു. റഡാർ പരിശോധന ഉണ്ടാകില്ലെന്നും മുമ്പത്തെ പരിശോധനഫലങ്ങൾ തിരച്ചിലിന് ഉപയോഗിക്കുമെന്നും അദ്ദേഹം നേരത്തെ വ്യക്തമാക്കിയിരുന്നു. ഷിരൂരിൽ അർജുൻ ഉൾപ്പെടെ മൂന്ന് പേരെയാണ് കണ്ടെത്താനുള്ളത്.

എറണാകുളത്ത് തൊഴിൽമേള മാർച്ച് 27 ന്

ഇന്നലെ നടത്തിയ തിരച്ചിലിനിടെ ലക്ഷ്മൺ നായികിന്റെ ചായക്കട ഉണ്ടായിരുന്ന ഭാഗത്ത് നിന്ന് അസ്ഥിഭാഗം കണ്ടെത്തിയിരുന്നു.

Story Highlights: Rope of Arjun’s lorry found during search operation in Shiroor

കാസർകോഡ്: കാണാതായ പെൺകുട്ടിയുടെയും ഓട്ടോ ഡ്രൈവറുടെയും മൃതദേഹങ്ങൾ കണ്ടെത്തി