Arjun's family accuses lorry driver Manaf of emotional exploitation

അര്ജുനെ കണ്ടെത്താനുള്ള തിരച്ചിലിന്റെ ഓരോ ഘട്ടത്തിലും വലിയ പിന്തുണയാണ് ലഭിച്ചതെന്ന് അര്ജുന്റെ സഹോദരിയുടെ ഭര്ത്താവ് ജിതിൻ മാധ്യമങ്ങളോട് പറഞ്ഞു. എന്നാൽ, കുടുംബത്തിന്റെ വൈകാരികത മാര്ക്കറ്റ് ചെയ്തുവെന്നും അര്ജുനെ കണ്ടെത്തിയശേഷം സഹോദരി അഞ്ജുവിനെതിരെ വലിയ രീതിയിലുള്ള സൈബര് ആക്രമണം നടന്നുവെന്നും അദ്ദേഹം ആരോപിച്ചു. ഇത്തരത്തിലുള്ള വൈകാരിക മാര്ക്കറ്റിങ് അംഗീകരിക്കാനാവില്ലെന്ന് കുടുംബം പ്രതികരിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ലോറിയുടമ മനാഫ് അർജുന്റെ പേരിൽ ഫണ്ട് പിരിവ് നടത്തുന്നുവെന്ന് കുടുംബം ആരോപിച്ചു. ഫണ്ട് പിരിവിന്റെ ആവശ്യം കുടുംബത്തിനില്ലെന്നും ജീവിക്കാനുള്ള സാഹചര്യമുണ്ടെന്നും അവർ വ്യക്തമാക്കി. മനാഫ് 2000 രൂപ നൽകിയതിന്റെ വീഡിയോ പ്രചരിപ്പിക്കുന്നതായും, വൈകാരികത ചൂഷണം ചെയ്ത് മാർക്കറ്റ് ചെയ്യുന്നതായും കുടുംബം ആരോപിച്ചു.

അർജുന്റെ പേരിലുള്ള ഫണ്ട് പിരിവ് നിർത്തണമെന്ന് അവർ ആവശ്യപ്പെട്ടു. അർജുന് 75,000 രൂപ ശമ്പളമില്ലെന്നും യൂട്യൂബ് ചാനലുകൾ സൈബർ ആക്രമണം നടത്തുന്നുവെന്നും കുടുംബം പറഞ്ഞു. സർക്കാർ അർജുന്റെ ഭാര്യക്കും മകനും ജീവിക്കാനുള്ള അവസരം ഉണ്ടാക്കിയിട്ടുണ്ടെന്ന് ജിതിൻ കൂട്ടിച്ചേർത്തു.

മനാഫിന് കുടുംബവുമായി ബന്ധമുണ്ടെന്നത് കള്ളമാണെന്നും അമ്മയെ ഉപയോഗിച്ച് മാർക്കറ്റ് ചെയ്യുകയാണെന്നും അവർ ആരോപിച്ചു. ലോറിയുടെ കൃത്യമായ സ്ഥാനം ജില്ലാ ഭരണകൂടം കുടുംബത്തെ അറിയിച്ചിരുന്നുവെന്നും, എന്നാൽ മാധ്യമങ്ങളോട് പറയുന്നതിൽ വിലക്കുണ്ടായിരുന്നുവെന്നും ജിതിൻ വെളിപ്പെടുത്തി.

നാഗ്പൂർ കലാപം: മുഖ്യപ്രതിയുടെ വീടിന്റെ ഭാഗം നഗരസഭ പൊളിച്ചു നീക്കി

Story Highlights: Arjun’s family criticizes lorry driver Manaf for exploiting their emotions and conducting unauthorized fund collection

ഖത്തർ ജയിൽ മോചന ഫണ്ട്: ഔദ്യോഗിക അനുമതിയില്ലെന്ന് ഐ.സി.ബി.എഫ്