iPhone 17 Series: Apple to launch foldable iPhone and redesigned models

പുതിയ ഐഫോൺ 17 സീരീസിൽ വലിയ മാറ്റങ്ങളുണ്ടാകുമെന്ന റിപ്പോർട്ടുകളാണ് പുറത്തുവരുന്നത്. നിലവിലുള്ള ഐഫോൺ മോഡലുകളിൽ നിന്നും വ്യത്യസ്തമായി നിരവധി ഫീച്ചറുകളോടെയാകും ഈ സീരീസ് പുറത്തിറങ്ങുക. 2025ൽ ഐഫോൺ 17 എയർ പുറത്തിറക്കുന്നതോടെ ഇതിന് തുടക്കമിടുമെന്ന് ടെക്നോളജി ജേണലിസ്റ്റ് മാർക്ക് ഗുർമാൻ പറയുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

2027-ൽ കർവ്ഡ് ഗ്ലാസ് ഡിസൈനുമായി ഐഫോൺ 20 പുറത്തിറങ്ങും. ഇത് ഐഒഎസിലുള്ള ലിക്വിഡ് ഗ്ലാസ് ഡിസൈനിന് ഏറെ അനുയോജ്യമായിരിക്കും. 2026-ൽ ആപ്പിളിന്റെ ആദ്യ ഫോൾഡബിൾ ഐഫോൺ പുറത്തിറങ്ങുമെന്നും റിപ്പോർട്ടുകളുണ്ട്.

പുതിയ ഐഫോൺ 17 എയർ സീരീസിനെക്കുറിച്ച് മാർക്ക് ഗുർമാൻ തൻ്റെ പവർ ഓൺ വാർത്താക്കുറിപ്പിൽ ചില വിവരങ്ങൾ പങ്കുവെക്കുന്നു. ഈ വർഷം പുറത്തിറങ്ങുന്ന ഐഫോൺ 17 എയർ, നിലവിലുള്ള മോഡലിനേക്കാൾ വളരെ മെലിഞ്ഞ രൂപകൽപ്പനയിലായിരിക്കും എത്തുക. എന്നാൽ ഇതിന് ഫിസിക്കൽ സിം കാർഡിനുള്ള സൗകര്യം ഉണ്ടാകില്ലെന്നും ബാറ്ററി ലൈഫ് കുറവായിരിക്കുമെന്നും അദ്ദേഹം കൂട്ടിച്ചേർക്കുന്നു.

കൂടുതൽ ശക്തമായ ക്വാൽകോം ചിപ്സെറ്റിന് പകരം ആപ്പിൾ അവരുടെ ആദ്യത്തെ ഇൻ-ഹൗസ് മോഡം ചിപ്പായ സി 1 മോഡം ഉപയോഗിക്കുമെന്നും മാർക്ക് ഗുർമാൻ്റെ റിപ്പോർട്ടിൽ പറയുന്നു. ഐഫോൺ 17 ഇ, ഐഫോൺ 17, ഐഫോൺ 17 പ്രോ, ഐഫോൺ 17 പ്രോ മാക്സ്, ഐഫോൺ 17 എയർ എന്നിവയാണ് ഈ സീരീസിലെ പ്രധാന മോഡലുകൾ. നിലവിലെ പ്ലസ് വേരിയന്റിന് പകരമായിരിക്കും എയർ മോഡൽ വിപണിയിലെത്തുക.

ഐഫോൺ 17 എയറിനായി ഒരു “ബമ്പർ കേസ്” പുറത്തിറക്കാൻ സാധ്യതയുണ്ടെന്ന് എക്സിലെ ഒരു പോസ്റ്റിൽ മാർക്ക് ഗുർമാൻ അവകാശപ്പെടുന്നു. 2010ൽ ഐഫോൺ 4ലാണ് ആദ്യമായി ബമ്പർ കേസ് കമ്പനി അവതരിപ്പിച്ചത്. ഇത് ഡിവൈസിൻ്റെ എഡ്ജുകളിൽ മാത്രമായി ഒതുങ്ങുന്നതാണ്, പിൻഭാഗത്ത് ഇതിന് കവറേജ് ഉണ്ടാകില്ല.

ചൂടാകുന്ന ഫോണുകൾക്ക് പരിഹാരവുമായി OPPO K13 ടർബോ സീരീസ്

2026-ൽ പുറത്തിറങ്ങുന്ന ആപ്പിളിൻ്റെ ആദ്യ ഫോൾഡബിൾ ഐഫോൺ വി 68 എന്ന കോഡ്നാമത്തിൽ വികസിപ്പിച്ചുകൊണ്ടിരിക്കുകയാണെന്ന് ഗുർമാൻ പറയുന്നു. ഈ ഡിവൈസ് ഒരു സ്മാർട്ട്ഫോണിനെ മിനി ടാബ്ലെറ്റാക്കി മാറ്റുന്ന രീതിയിലുള്ള ബുക്ക്-സ്റ്റൈൽ ഫോൾഡബിൾ ഫോം ഫാക്ടറായിരിക്കുമെന്നും റിപ്പോർട്ടുകൾ സൂചിപ്പിക്കുന്നു. ഇതിന് നാല് ക്യാമറകളുണ്ടാകും: കവർ ഡിസ്പ്ലേയിൽ ഒന്ന്, പ്രധാന ഡിസ്പ്ലേയിൽ ഒന്ന്, പുറകിൽ രണ്ടെണ്ണം. കൂടാതെ, ഫോൾഡബിൾ ഐഫോണിൽ ഫെയ്സ് ഐഡിക്ക് പകരം ടച്ച് ഐഡിയും ഫിസിക്കൽ സിം കാർഡ് സ്ലോട്ടിന് പകരം ഇ-സിം സൗകര്യവും ഉണ്ടാകുമെന്നും അദ്ദേഹം പറയുന്നു.

I believe Apple has at least considered/tested a new case for the slimmer iPhone this year that surrounds the edges but doesn’t cover the back. It’s a similar concept to the iPhone 4 Bumpers from 2010. https://t.co/6HYKmUUKSP pic.twitter.com/VzQGTFlOIg

— Mark Gurman (@markgurman) August 24, 2025

Story Highlights: Apple is planning a major redesign of its iPhone lineup, starting with the iPhone 17 Air in 2025 and a foldable iPhone in 2026, according to Mark Gurman.

റെഡ്മി 15 5G: സിലിക്കൺ-കാർബൺ ബാറ്ററിയുമായി ഇന്ത്യൻ വിപണിയിലേക്ക്