ദോഹ: സ്വകാര്യ സ്‌കൂളിലെ വിദ്യാർത്ഥികൾക്ക് ആധ്യാപിക ഗുളിക നൽകിയ സംഭവത്തിൽ അന്വേഷണം ആരംഭിച്ചു.
ഖത്തറിലാണ് സംഭവം നടന്നത്.സംഭവത്തെ തുടർന്ന് സ്‌കൂളിലെ ഒരു വിദ്യാർത്ഥിയുടെ രക്ഷിതാവ് പരാതി നൽകിയിരുന്നു.ഇതോടെയാണ് സംഭവം പുറത്തറിഞ്ഞത്.
ആഫ്രിക്കൻ വംശജയായ അദ്ധ്യാപിക വിദ്യാർത്ഥികൾക്ക് ഗുളികകൾ നൽകുകയും തുടർന്ന് ചില വിദ്യാർത്ഥികൾ ഗുളികകൾക്ക് അടിമപ്പെടുകയായിരുന്നു.
പരീക്ഷപ്പേടി മാറാൻ എന്ന പേരിലാണ് അദ്ധ്യാപിക ക്ലാസ് മുറിയിൽ വെച്ച് സെക്കണ്ടറി വിദ്യാർത്ഥികൾക്ക് ഗുളികകൾ നൽകിയത്.എന്നാൽ പരീക്ഷപ്പേടി മാറാനെന്ന പേരിൽ അധ്യാപിക വിദ്യാർത്ഥികൾക്ക് നൽകിയത് ഉറക്കഗുളികയാണെന്നും വിദ്യാർത്ഥികളിൽ ഒരാളുടെ രക്ഷിതാവ് ട്വീറ്റ് ചെയ്തിരുന്നു.
കൂടാതെ ഇവർ ഉന്നത വിദ്യാഭ്യാസ മന്ത്രാലയത്തിൽ നേരിട്ട് പരാതി നൽകുകയും ചെയ്‌തു.
സംഭവത്തിൽ ഖത്തർ വിദ്യാഭ്യാസ മന്ത്രാലയം അന്വേഷണം ആരംഭിച്ചതായി അറിയിച്ചു.
Story highlight : An investigation was launched into the teacher giving the pill to the students in Qatar.
