Amit Shah: Zero Tolerance on Terrorism Under PM Modi

ഇന്ത്യയിലെ ഭീകരതയെക്കുറിച്ച് കേന്ദ്ര ആഭ്യന്തര മന്ത്രി അമിത് ഷാ രാജ്യസഭയിൽ പ്രസംഗിച്ചു. ഭീകരതയോട് വിട്ടുവീഴ്ചയില്ലാത്ത നിലപാടാണ് പ്രധാനമന്ത്രി നരേന്ദ്ര മോദിയുടേതെന്ന് അദ്ദേഹം വ്യക്തമാക്കി. മുൻകാലങ്ങളിൽ ഭീകരാക്രമണങ്ങൾക്ക് ശേഷം ഫലപ്രദമായ നടപടികൾ ഉണ്ടായിരുന്നില്ലെന്നും അദ്ദേഹം ചൂണ്ടിക്കാട്ടി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

എന്നാൽ, പുൽവാമ ആക്രമണത്തിന് പത്ത് ദിവസത്തിനുള്ളിൽ പാകിസ്ഥാനിൽ കടന്ന് ഇന്ത്യ മറുപടി നൽകിയെന്നും അമിത് ഷാ പറഞ്ഞു. ഇസ്രായേലും അമേരിക്കയും മാത്രമായിരുന്നു നേരത്തെ അതിർത്തികളും സൈന്യത്തെയും സംരക്ഷിക്കാൻ എപ്പോഴും സന്നദ്ധമായി നിന്നിരുന്ന രാജ്യങ്ങൾ. എന്നാൽ, ഇപ്പോൾ ആ പട്ടികയിലേക്ക് ഇന്ത്യയെയും പ്രധാനമന്ത്രി മോദി ഉയർത്തിയെന്ന് അദ്ദേഹം അഭിപ്രായപ്പെട്ടു.

ഭീകരവാദികളുമായി ചേരുന്ന ഇന്ത്യൻ യുവാക്കളുടെ എണ്ണം പൂജ്യത്തിലെത്തിയെന്നും അമിത് ഷാ അവകാശപ്പെട്ടു. ജമ്മു കാശ്മീരിൽ ഭീകരരുടെ ബന്ധുക്കളെ സർക്കാർ ജോലികളിൽ നിന്ന് പിരിച്ചുവിട്ടത് ശക്തമായ സന്ദേശമാണ് നൽകിയത്. ബാർ കൗൺസിലിലടക്കം ഭീകരരുടെ ബന്ധുക്കൾ കേസ് നടപടികൾ തടഞ്ഞ സാഹചര്യവും ഉണ്ടായിരുന്നു.

എന്നാൽ, ഇത്തരം നടപടികളെല്ലാം ഇപ്പോൾ അവസാനിപ്പിച്ചതായി അദ്ദേഹം വ്യക്തമാക്കി. പൊതു ഇടങ്ങളിലെ കല്ലേറിൽ ആളുകൾ മരിക്കുന്ന സാഹചര്യം മാറി കല്ലേറ് ഇല്ലാതാക്കാനും കഴിഞ്ഞു. അടുത്ത വർഷം മാർച്ചോടെ രാജ്യത്ത് നിന്ന് മാവോയിസം തുടച്ചുനീക്കുമെന്നും അമിത് ഷാ രാജ്യസഭയിൽ അറിയിച്ചു.

ഇന്ത്യയുമായുള്ള വ്യാപാര ചർച്ചകൾ വേണ്ടെന്ന് ട്രംപ്; റഷ്യൻ എണ്ണ ഇറക്കുമതി തുടരുമെന്ന് ഇന്ത്യ

പത്ത് വർഷത്തെ പ്രയത്നത്തിന്റെ ഫലമായാണ് ഇത് സാധ്യമാകുന്നതെന്നും അദ്ദേഹം പറഞ്ഞു. ഇതിനായി ഊണും ഉറക്കവും ത്യജിച്ച് പ്രയത്നിച്ച എല്ലാ ഉദ്യോഗസ്ഥരെയും അദ്ദേഹം അഭിനന്ദിച്ചു. ഭീകരതയ്ക്കെതിരായ പോരാട്ടത്തിൽ ഇന്ത്യ നിർണായകമായ നേട്ടങ്ങൾ കൈവരിച്ചിട്ടുണ്ടെന്നും അദ്ദേഹം കൂട്ടിച്ചേർത്തു.

Story Highlights: India’s Home Minister Amit Shah asserted a zero-tolerance policy against terrorism under PM Modi’s leadership, highlighting the response to the Pulwama attack and the reduction in youth joining terrorist groups.

വ്യാപാര തർക്കത്തിൽ അയഞ്ഞ് അമേരിക്ക; ഇന്ത്യയുമായുള്ള ചർച്ചക്ക് തയ്യാറെന്ന് സൂചന