Alappuzha Gymkhana Trailer Out: A Vishu Release

ആലപ്പുഴ: ആലപ്പുഴ ജിംഖാന എന്ന പുതിയ ചിത്രത്തിന്റെ ട്രെയിലർ പുറത്തിറങ്ങി. 2025 ഏപ്രിലിൽ വിഷു റിലീസായി തിയേറ്ററുകളിൽ എത്തുന്ന ചിത്രം ഖാലിദ് റഹ്മാനാണ് സംവിധാനം ചെയ്യുന്നത്. കോമഡി, ആക്ഷൻ, ഇമോഷൻസ് എന്നിവയുടെ മിശ്രിതമാണ് ചിത്രമെന്ന് ട്രെയിലർ സൂചന നൽകുന്നു. ചിത്രത്തിൽ നസ്ലൻ വ്യത്യസ്തമായ ഗെറ്റപ്പിൽ പ്രത്യക്ഷപ്പെടുന്നു. ബോക്സിംഗ് പശ്ചാത്തലമാക്കിയുള്ള ഈ കോമഡി എന്റർടെയ്നർ പ്രേക്ഷകരിൽ വലിയ പ്രതീക്ഷകളാണ് ഉണർത്തിയിരിക്കുന്നത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ബ്ലോക്ക്ബസ്റ്റർ ചിത്രമായ തല്ലുമാലയ്ക്ക് ശേഷം ഖാലിദ് റഹ്മാൻ സംവിധാനം ചെയ്യുന്ന ചിത്രം കൂടിയാണിത്. പ്ലാൻ ബി മോഷൻ പിക്ചേഴ്സിന്റെയും റിയലിസ്റ്റിക് സ്റ്റുഡിയോയുടെയും ബാനറിൽ ഖാലിദ് റഹ്മാൻ, ജോബിൻ ജോർജ്, സമീർ കാരാട്ട്, സുബീഷ് കണ്ണഞ്ചേരി എന്നിവർ ചേർന്നാണ് ചിത്രം നിർമ്മിക്കുന്നത്. മുൻപും സ്പോർട്സ് പ്രമേയമാക്കി നിരവധി സിനിമകൾ മലയാളത്തിൽ പുറത്തിറങ്ങിയിട്ടുണ്ട്. അവയിൽ മിക്കതും ബോക്സ് ഓഫീസിൽ മികച്ച വിജയം നേടിയിട്ടുണ്ട്. സ്പോർട്സ് സിനിമകൾ സാധാരണയായി താരങ്ങളെയോ ടീമുകളെയോ ചുറ്റിപ്പറ്റിയാണ് ചിത്രീകരിക്കാറുള്ളത്.

വെല്ലുവിളികളും പ്രതിബന്ധങ്ങളും നേരിട്ട് അവർ ലക്ഷ്യം നേടിയെടുക്കുന്ന കഥയാണ് മിക്ക സ്പോർട്സ് സിനിമകളിലും പറയാറുള്ളത്. സ്പോർട്സ് മൂവികൾ കോമഡി ഫിലിം ഘടകങ്ങളുമായി സംയോജിപ്പിക്കുന്നതിനെയാണ് സ്പോർട്സ് കോമഡി മൂവികൾ എന്ന് പറയുന്നത്. ഇത്തരം സിനിമകളുടെ ഹാസ്യ വശം പലപ്പോഴും ഫിസിക്കൽ ഹ്യൂമറുമായി ബന്ധപ്പെട്ടവയായിരിക്കും. ആലപ്പുഴ ജിംഖാനയും അതേ പാറ്റേൺ തന്നെയായിരിക്കും പിന്തുടരുക എന്നാണ് പ്രേക്ഷകരുടെ പ്രതീക്ഷ.

സിനിമാ നിർമ്മാണം അവസാനിപ്പിച്ച് വെട്രിമാരൻ; കാരണം ഇതാണ്

ഖാലിദ് റഹ്മാനും ശ്രീനി ശശീന്ദ്രനും ചേർന്ന് തിരക്കഥ രചിച്ച ചിത്രത്തിന്റെ സംഭാഷണം രതീഷ് രവിയാണ്.

നസ്ലിൻ, ഗണപതി, ലുക്ക്മാൻ, സന്ദീപ് പ്രദീപ്, അനഘ രവി എന്നിവർ കേന്ദ്ര കഥാപാത്രങ്ങളെ അവതരിപ്പിക്കുന്നു. ഫ്രാങ്കോ ഫ്രാൻസിസ്, ബേബി ജീൻ, ശിവ ഹരിഹരൻ, ഷോൺ ജോയ്, കാർത്തിക്, നന്ദ നിഷാന്ത്, നോയില ഫ്രാൻസി തുടങ്ങിയവരും ചിത്രത്തിൽ അഭിനയിക്കുന്നു. സ്പോർട്സ് കോമഡി ഴോണറിനു വേണ്ടി നായകന്മാരായ നസ്ലിൻ, ഗണപതി, ലുക്ക്മാൻ, സന്ദീപ് പ്രദീപ് തുടങ്ങിയവർ നടത്തിയ മേക്കോവർ സോഷ്യൽ മീഡിയയിൽ മുൻപേ തന്നെ ശ്രദ്ധേയമായിരുന്നു. അത്തരത്തിലുള്ള സ്പോർട്സ് ഗെറ്റപ്പിലൂടെ എത്തിയ താരങ്ങളുടെ ഫസ്റ്റ് പോസ്റ്ററും ക്യാരക്ടർ പോസ്റ്ററുകളും സോഷ്യൽ മീഡിയയിൽ ട്രെൻഡായിരുന്നു. ചിത്രത്തിലെ ആദ്യ ഗാനവും യൂട്യൂബ് ട്രെൻഡിങ്ങിൽ ഇടം നേടിയിരുന്നു.

ഛായാഗ്രഹണം ജിംഷി ഖാലിദ്, ചിത്രസംയോജനം നിഷാദ് യൂസഫ്, സംഗീതം വിഷ്ണു വിജയ് എന്നിവരാണ്.

Story Highlights: The trailer of the upcoming Malayalam sports comedy film “Alappuzha Gymkhana,” directed by Khalid Rahman and starring Naslen, Ganapathi, and Lukman, has been released, promising a mix of comedy, action, and emotions.

കരിം ലാലയുമായി കൊമ്പുകോർത്തു; മുംബൈ ദിനങ്ങൾ ഓർത്തെടുത്ത് മേജർ രവി

നസ്ലിൻ സ്ക്രീനിൽ വന്നതും ആളുകൾ ആഘോഷിച്ചു; ‘ലോക’ വിജയാഘോഷത്തിൽ വെങ്കി അറ്റ്ലൂരി