Alappuzha Gymkhana's first song 'Everyday' releases

ഏപ്രിൽ മാസത്തിൽ റിലീസ് ചെയ്യാനൊരുങ്ങുന്ന ‘ആലപ്പുഴ ജിംഖാന’ എന്ന ചിത്രത്തിന്റെ ആദ്യ ഗാനം പുറത്തിറങ്ങി. സഞ്ജിത് ഹെഡ്ജ്, വിഷ്ണു വിജയ്, നിളരാജ്, ചിന്മയി, വാസുദേവ് എന്നിവർ ചേർന്ന് ആലപിച്ച ‘എവരിഡേ. . ‘ എന്നു തുടങ്ങുന്ന ഗാനത്തിന്റെ വരികൾ എഴുതിയിരിക്കുന്നത് സുഹൈൽ കോയയാണ്. ബ്ലോക്ക്ബസ്റ്റർ ചിത്രം തല്ലുമാലയ്ക്ക് ശേഷം ഖാലിദ് റഹ്മാൻ സംവിധാനം ചെയ്യുന്ന ഈ ചിത്രത്തിൽ നസ്ലിൻ, ഗണപതി, ലുക്ക്മാൻ, സന്ദീപ് പ്രദീപ് എന്നിവർ പ്രധാന കഥാപാത്രങ്ങളെ അവതരിപ്പിക്കുന്നു. വിഷ്ണു വിജയ് ആണ് ചിത്രത്തിന്റെ സംഗീത സംവിധാനം നിർവഹിച്ചിരിക്കുന്നത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഗപ്പി, അമ്പിളി, തല്ലുമാല, ഫാലിമി, പ്രേമലു തുടങ്ങിയ ചിത്രങ്ങളിലെ ഹിറ്റ് ഗാനങ്ങൾക്ക് പിന്നിലും വിഷ്ണു വിജയ് തന്നെയായിരുന്നു. പ്ലാൻ ബി മോഷൻ പിക്ചേഴ്സും റീലിസ്റ്റിക് സ്റ്റുഡിയോയും ചേർന്നാണ് ചിത്രത്തിന്റെ നിർമ്മാണം. ഖാലിദ് റഹ്മാൻ, ജോബിൻ ജോർജ്, സമീർ കാരാട്ട്, സുബീഷ് കണ്ണഞ്ചേരി എന്നിവർ ചേർന്നാണ് നിർമ്മാണത്തിന് നേതൃത്വം നൽകുന്നത്. ആലപ്പുഴയെ പശ്ചാത്തലമാക്കി ഒരുങ്ങുന്ന ഈ കോമഡി ആക്ഷൻ ചിത്രത്തിന്റെ തിരക്കഥ ഖാലിദ് റഹ്മാനും ശ്രീനി ശശീന്ദ്രനും ചേർന്നാണ് ഒരുക്കിയിരിക്കുന്നത്. സംഭാഷണം രതീഷ് രവിയുടേതാണ്. ഫ്രാങ്കോ ഫ്രാൻസിസ്, ബേബി ജീൻ, ശിവ ഹരിഹരൻ, ഷോൺ ജോയ്, കാർത്തിക്, നന്ദ നിഷാന്ത്, നോയില ഫ്രാൻസി തുടങ്ങിയവരും ചിത്രത്തിൽ പ്രധാന വേഷങ്ങളിൽ എത്തുന്നു.

ഏഴ് മാസത്തെ ഇടവേളക്ക് ശേഷം മമ്മൂട്ടി ഹൈദരാബാദിൽ 'പേട്രിയറ്റ്' ലൊക്കേഷനിൽ എത്തി

അനഘ രവിയും ചിത്രത്തിൽ ഒരു പ്രധാന കഥാപാത്രത്തെ അവതരിപ്പിക്കുന്നു. ചിത്രത്തിലെ താരങ്ങളുടെ പുതിയ ഗെറ്റപ്പിലുള്ള ഫസ്റ്റ് ലുക്ക് പോസ്റ്ററും ക്യാരക്ടർ പോസ്റ്ററുകളും സോഷ്യൽ മീഡിയയിൽ ട്രെൻഡായിരുന്നു. ആലപ്പുഴ ജിംഖാനയുടെ ഓഡിയോ റൈറ്റ്സ് തിങ്ക് മ്യൂസിക് എന്ന പ്രമുഖ കമ്പനി വൻതുകയ്ക്ക് സ്വന്തമാക്കിയിരിക്കുന്നു. ജിംഷി ഖാലിദ് ആണ് ഛായാഗ്രഹണം നിർവഹിക്കുന്നത്. നിഷാദ് യൂസഫ് ചിത്രസംയോജനവും, വിഷ്ണു ഗോവിന്ദ് ഓഡിയോഗ്രാഫിയും കൈകാര്യം ചെയ്യുന്നു. മുഹ്സിൻ പരാരിയുടെ വരികൾക്ക് വിഷ്ണു വിജയ് ഈണം പകർന്നിരിക്കുന്നു.

മാഷർ ഹംസയാണ് വസ്ത്രാലങ്കാരം. വി എഫ് എക്സ് ഡിജി ബ്രിക്സും, മേക്കപ്പ് റോണക്സ് സേവിയറും കൈകാര്യം ചെയ്യുന്നു. ആക്ഷൻ കൊറിയോഗ്രഫി ജോഫിൽ ലാൽ, കലൈ കിംഗ്സൺ എന്നിവരുടേതാണ്. ആഷിക് എസ് ആണ് ആർട്ട് ഡയറക്ടർ. ലിതിൻ കെ ടി അസോസിയേറ്റ് ഡയറക്ടറായും, വിഷാദ് കെ എൽ ലൈൻ പ്രൊഡ്യൂസറായും പ്രവർത്തിക്കുന്നു. പ്രശാന്ത് നാരായണൻ പ്രൊഡക്ഷൻ കൺട്രോളറാണ്.

സ്റ്റിൽ ഫോട്ടോഗ്രഫി രാജേഷ് നടരാജനും അർജുൻ കല്ലിങ്കലും നിർവഹിക്കുന്നു. പ്രൊമോഷണൽ ഡിസൈൻ ചാർളി & ദി ബോയ്സും, പി ആർ ഒ & മാർക്കറ്റിംഗ് വൈശാഖ് സി വടക്കേവീടും ജിനു അനിൽകുമാറും കൈകാര്യം ചെയ്യുന്നു. സെൻട്രൽ പിക്ചേഴ്സും ട്രൂത്ത് ഗ്ലോബൽ ഫിലിംസുമാണ് വിതരണം.

മമ്മൂട്ടിയും മോഹൻലാലും ഒന്നിക്കുന്നു; 'പാട്രിയറ്റ്' ടീസർ പുറത്തിറങ്ങി

Story Highlights: Alappuzha Gymkhana, directed by Khalid Rahman and starring Naslen, Ganapathi, Lukman, and Sandeep Pradeep, releases its first song, “Everyday,” composed by Vishnu Vijay.

മമ്മൂട്ടിയും മോഹൻലാലും ഒന്നിക്കുന്നു; ‘പാട്രിയറ്റ്’ ടീസർ പുറത്തിറങ്ങി