Alappuzha Cannabis Case: International Drug Mafia Link Sultan Arrested

**ആലപ്പുഴ◾:** അന്താരാഷ്ട്ര ലഹരി മാഫിയ സംഘത്തിലെ പ്രധാന കണ്ണിയാണ് ആലപ്പുഴ ഹൈബ്രിഡ് കഞ്ചാവ് കേസിൽ പിടിയിലായ സുൽത്താൻ എന്ന് എക്സൈസ് വ്യക്തമാക്കി. സ്വർണ്ണക്കടത്തിലും നിരോധിത ലഹരി ഇന്ത്യയിലേക്ക് എത്തിക്കുന്നതിലും സുൽത്താൻ പ്രധാന പങ്കുവഹിച്ചിരുന്നതായി എക്സൈസ് കണ്ടെത്തിയിട്ടുണ്ട്. തസ്ലീമയുടെ അറസ്റ്റിന് ശേഷം കൊടുംകുറ്റവാളികൾ താമസിക്കുന്ന പ്രദേശത്തായിരുന്നു സുൽത്താൻ ഒളിവിൽ കഴിഞ്ഞിരുന്നതെന്ന് അസിസ്റ്റന്റ് എക്സൈസ് കമ്മീഷണർ അറിയിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

രണ്ടരക്കോടി രൂപ വിലമതിക്കുന്ന ഹൈബ്രിഡ് കഞ്ചാവുമായി തസ്ലീമ സുൽത്താനെയും കൂട്ടാളി ഫിറോസിനെയും എക്സൈസ് അറസ്റ്റ് ചെയ്തിരുന്നു. തസ്ലീമയുടെ ഫോണിലെ ചാറ്റുകളും മറ്റ് ശാസ്ത്രീയ തെളിവുകളും കേന്ദ്രീകരിച്ച് നടത്തിയ അന്വേഷണത്തിലാണ് തമിഴ്നാട്-ആന്ധ്ര അതിർത്തിയിൽ നിന്ന് സുൽത്താനെ പിടികൂടിയത്. പ്രതികളെ കസ്റ്റഡിയിൽ വാങ്ങി ഒരുമിച്ച് ചോദ്യം ചെയ്യാനാണ് അന്വേഷണ സംഘത്തിന്റെ തീരുമാനം.

സിംഗപ്പൂർ, തായ്ലൻഡ്, മലേഷ്യ, ബാങ്കോക്ക് തുടങ്ങിയ വിദേശ രാജ്യങ്ങളിൽ നിന്നാണ് നിരോധിത ലഹരി ഉൽപ്പന്നങ്ങൾ ഇന്ത്യയിലേക്ക് എത്തിച്ചിരുന്നത്. മലേഷ്യയിൽ നിന്ന് ആറര കിലോ ഹൈബ്രിഡ് കഞ്ചാവാണ് ഒടുവിൽ എത്തിച്ചത്. ഇലക്ട്രോണിക് സ്ഥാപനത്തിലേക്ക് സാധനങ്ങൾ വാങ്ങാൻ എന്ന വ്യാജേനയാണ് സുൽത്താൻ വിദേശ യാത്ര നടത്തിയതെന്നും എക്സൈസ് കണ്ടെത്തി.

ആംബുലന്സിലെ പീഡനം: പ്രതിക്ക് ഇന്ന് ശിക്ഷ വിധിക്കും

മലേഷ്യ യാത്രയ്ക്ക് ശേഷം പുതിയ പാസ്പോർട്ട് ആണ് സുൽത്താൻ ഉപയോഗിച്ചിരുന്നത്. ആലപ്പുഴയിൽ നിന്ന് തസ്ലീമയെ പിടികൂടിയപ്പോൾ മൂന്ന് കിലോ കഞ്ചാവ് മാത്രമാണ് കണ്ടെത്തിയത്. ബാക്കി മൂന്നര കിലോ കഞ്ചാവ് ആർക്ക് കൈമാറിയെന്ന കാര്യത്തിൽ അന്വേഷണം പുരോഗമിക്കുകയാണ്. സിനിമാ മേഖലയുമായി ബന്ധമുള്ളത് തസ്ലീമയ്ക്കാണെന്നാണ് പ്രാഥമിക കണ്ടെത്തൽ.

Story Highlights: Sultan, arrested in the Alappuzha hybrid cannabis case, is a key link in the international drug mafia gang, according to Excise officials.

ജി. സുധാകരൻ പങ്കെടുക്കാനിരുന്ന കെപിസിസി പരിപാടി മാറ്റി