കല്യാണം വേണ്ടെന്ന തീരുമാനത്തിലേക്ക് എത്തിയതിനെക്കുറിച്ച് നടി ഐശ്വര്യ ലക്ഷ്മി മനസ്സു തുറന്നു. ഒരു യൂട്യൂബ് ചാനലിന് നൽകിയ അഭിമുഖത്തിലാണ് ഐശ്വര്യ ഇക്കാര്യങ്ങൾ വ്യക്തമാക്കിയത്. ജീവിതത്തിൽ കല്യാണം കഴിക്കേണ്ടെന്നത് താൻ ആലോചിച്ചെടുത്ത തീരുമാനമാണെന്നും, ഇൻസ്റ്റിറ്റ്യൂഷനുകളിൽ തനിക്ക് വിശ്വാസമില്ലെന്നും അവർ പറഞ്ഞു.
ചെറുപ്പത്തിൽ ഗുരുവായൂർ അമ്പലത്തിൽ താലികെട്ടണമെന്നും തുളസിമാല വേണമെന്നുമൊക്കെയായിരുന്നു ആഗ്രഹമെന്ന് ഐശ്വര്യ വെളിപ്പെടുത്തി. എന്നാൽ വളർന്നപ്പോൾ ചിന്തിക്കാൻ തുടങ്ങിയതോടെയും, ചുറ്റുമുള്ള വിവാഹബന്ധങ്ങൾ കണ്ടതോടെയുമാണ് ഈ തീരുമാനത്തിലേക്ക് എത്തിയതെന്ന് അവർ വ്യക്തമാക്കി. തന്റെ 34 വയസ്സിനിടയിൽ കല്യാണം കഴിച്ച ശേഷം ഇപ്പോഴും സന്തോഷത്തോടെ കഴിയുന്ന ഒരേയൊരു കുടുംബത്തെ മാത്രമേ കണ്ടിട്ടുള്ളൂവെന്നും അവർ കൂട്ടിച്ചേർത്തു.
Also Read; ആ സിനിമ ചെയ്തപ്പോൾ ബോഡി ഷെയിമിങ്ങ് കാരണം ഞാൻ തകർന്നു പോയി: നയന്‍താര
ബാക്കിയുള്ളവരെല്ലാം അഡ്ജസ്റ്റ് ചെയ്തും ബുദ്ധിമുട്ടിയുമാണ് ജീവിക്കുന്നതെന്ന് ഐശ്വര്യ നിരീക്ഷിച്ചു. ബുദ്ധിയും ബോധവുമൊക്കെ വന്നപ്പോഴാണ് വിവാഹം തനിക്ക് ആവശ്യമില്ലെന്ന് മനസ്സിലായതെന്നും അവർ കൂട്ടിച്ചേർത്തു. ഈ തീരുമാനം താൻ എല്ലായിടത്തും തുറന്നു പറഞ്ഞിട്ടുണ്ടെന്നും ഐശ്വര്യ ലക്ഷ്മി വ്യക്തമാക്കി.
Story Highlights: Actress Aishwarya Lekshmi opens up about her decision not to marry, citing observations of unhappy marriages around her.
