Meta Introduces AI-Powered Video Editing Features for Beginners

വീഡിയോ എഡിറ്റിംഗിൽ പ്രൊഫഷണൽ പരിചയമില്ലാത്തവർക്കായി പുതിയ ഫീച്ചറുമായി മെറ്റ രംഗത്ത്. എളുപ്പത്തിൽ വീഡിയോ എഡിറ്റ് ചെയ്യാനായി നിർമ്മിത ബുദ്ധി ഉപയോഗിച്ചുള്ള ഫീച്ചറുകളാണ് അവതരിപ്പിക്കുന്നത്. ഈ ഫീച്ചറുകൾ മെറ്റ എഐ ആപ്പ്, മെറ്റ എഐ വെബ്സൈറ്റ്, എഡിറ്റ്സ് ആപ്പ് എന്നിവയിൽ ലഭ്യമാവുമെന്ന് മെറ്റ അറിയിച്ചു. ഏതൊരാൾക്കും ലളിതമായി വീഡിയോ എഡിറ്റ് ചെയ്യാനാകുന്ന ഈ ഫീച്ചറുകൾക്ക് വലിയ സ്വീകാര്യത ലഭിക്കുമെന്നാണ് പ്രതീക്ഷിക്കുന്നത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

മെറ്റയുടെ പുതിയ ഫീച്ചറിലൂടെ വീഡിയോ എഡിറ്റിങ് ലളിതവും ക്രിയാത്മകവുമാക്കാൻ സാധിക്കും. ഉപയോക്താക്കൾക്ക് വീഡിയോകൾ എളുപ്പത്തിൽ എഡിറ്റ് ചെയ്യാനായി 50-ൽ അധികം AI പ്രോംപ്റ്റുകൾ ഇതിൽ ലഭ്യമാണ്. വസ്ത്ര ശൈലികൾ, പശ്ചാത്തലങ്ങൾ, വിഷ്വൽ ടോണുകൾ എന്നിവ മാറ്റാനുള്ള എളുപ്പവഴികളുമുണ്ട്. ഈ ഫീച്ചറുകൾ കൺസ്യൂമർ ഫേസിങ് എഐ വീഡിയോ എഡിറ്റിംഗിലേക്കുള്ള മെറ്റയുടെ ആദ്യ ചുവടുവയ്പ്പാണ്.

ഉപയോക്താക്കൾക്ക് ഇഷ്ടമുള്ള വീഡിയോ അപ്ലോഡ് ചെയ്ത ശേഷം സൗജന്യമായി എഡിറ്റ് ചെയ്യാനുള്ള പ്രോംപ്റ്റ് തിരഞ്ഞെടുക്കാം. പരിമിതമായ സമയത്തേക്കാവും ഈ സൗജന്യം ലഭിക്കുക. ഈ ഫീച്ചറുകൾ, വീഡിയോ എഡിറ്റിങ് കൂടുതൽ ലളിതമാക്കുകയും ക്രിയേറ്റീവ് സാധ്യതകൾ വർദ്ധിപ്പിക്കുകയും ചെയ്യും.

മെറ്റാ എഐ ശല്യക്കാരനാണോ; സ്വകാര്യത ഉറപ്പാക്കാൻ മ്യൂട്ട് ചെയ്യാം...എളുപ്പവഴി ഇതാ

വീഡിയോ എഡിറ്റ് ചെയ്ത ശേഷം, എഡിറ്റ്സ് ആപ്പ് അല്ലെങ്കിൽ മെറ്റാ എഐ ആപ്പ് ഉപയോഗിച്ച് ഫേസ്ബുക്കിലേക്കോ ഇൻസ്റ്റാഗ്രാമിലേക്കോ വീഡിയോ ഷെയർ ചെയ്യാനാകും. ഇന്ത്യയിൽ ബിസിനസ് വ്യാപിപ്പിക്കാൻ സൂം ഒരുങ്ങുന്നതായി വാർത്തകളുണ്ട്. ഇതിന്റെ ഭാഗമായി എഐ കോൺടാക്ട് സെന്ററുകൾ വരുമെന്നും സൂചനയുണ്ട്.

ഈ ഫീച്ചറുകൾ ഉപയോഗിച്ച് ഉപയോക്താക്കൾക്ക് അവരുടെ വീഡിയോകൾക്ക് പുതിയ രൂപവും ഭാവവും നൽകാനാകും. അതിനാൽ തന്നെ വളരെ കുറഞ്ഞ സമയം കൊണ്ട് തന്നെ ഈ ഫീച്ചറുകൾക്ക് സ്വീകാര്യത ലഭിക്കുമെന്നാണ് വിലയിരുത്തൽ.

Story Highlights: വീഡിയോ എഡിറ്റിംഗിൽ പ്രൊഫഷണൽ പരിചയമില്ലാത്തവർക്കായി പുതിയ ഫീച്ചറുമായി മെറ്റ. എളുപ്പത്തിൽ വീഡിയോ എഡിറ്റ് ചെയ്യാനായി നിർമ്മിത ബുദ്ധി ഉപയോഗിച്ചുള്ള ഫീച്ചറുകളാണ് അവതരിപ്പിക്കുന്നത്.

മെറ്റാ എഐ ശല്യക്കാരനാണോ; സ്വകാര്യത ഉറപ്പാക്കാൻ മ്യൂട്ട് ചെയ്യാം…എളുപ്പവഴി ഇതാ