AI Tool Predicts Mood Swings and Bipolar Disorders Using Sleep Data

ആളുകളിലെ മൂഡ് സ്വിങും ബൈപോളാർ പ്രശ്നങ്ങളും മുൻകൂട്ടി പ്രവചിക്കാവുന്ന എഐ ഉപകരണം വികസിപ്പിച്ചിരിക്കുകയാണ് ശാസ്ത്രജ്ഞർ. ദക്ഷിണ കൊറിയയിലെ ഇൻസ്റ്റിറ്റ്യൂട്ട് ഫോർ ബേസിക് സയൻസിലെ ഗവേഷകരാണ് ഇതുമായി ബന്ധപ്പെട്ട പഠനം നടത്തിയതും എഐ ഉപകരണം നിർമിച്ചതും. ഉറക്കത്തിന്റെയും ഉണരുന്നതിന്റെയും ഡാറ്റ ഉപയോഗിച്ചാണ് ആളുകളിലെ മൂഡ് ഡിസോർഡറിനെ കുറിച്ച് മുൻ കൂട്ടി പ്രവചിക്കുന്നത്. സ്മാർട്ട് വാച്ചുകൾ പോലെ ധരിക്കാവുന്ന ഉപകരണത്തിലാണ് ഈ ഡാറ്റ റെക്കോർഡ് ചെയ്യാനാകുന്നത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ബൈപോളാർ ഡിസോർഡർ ഉൾപ്പെടെയുള്ള മൂഡ് ഡിസോർഡേഴ്സ് ഉള്ള ആളുകൾക്ക് ദീർഘകാലം ദുഃഖമോ വിഷാദമോ സന്തോഷമോ ഉന്മാദമോ അനുഭവപ്പെടും. ഇവയ്ക്ക് ഉറക്കവുമായി അടുത്ത ബന്ധമുണ്ടെന്നാണ് ഗവേഷകർ വിലയിരുത്തുന്നത്. പുതിയ എഐ സംവിധാനത്തിലൂടെ ഉറങ്ങുന്നതിന്റെയും എഴുന്നേൽക്കുന്നതിന്റെയും ഡാറ്റയെ മാത്രം അടിസ്ഥാനമാക്കി ആളുകളുടെ മാനസികാവസ്ഥയുടെ സ്റ്റേജുകൾ പ്രവചിക്കാൻ സാധിക്കുമെന്നാണ് ഗവേഷകർ പറയുന്നത്. ഇതിലൂടെ ഡാറ്റ ശേഖരണത്തിന്റെ ചിലവ് കുറയുകയും ക്ലിനിക്കുകളിൽ രോഗനിർണയത്തിന്റെ സാധ്യതകള് വര്ധിക്കുകയും ചെയ്യുമെന്ന് ഇവർ വ്യക്തമാക്കുന്നു.

168 മൂഡ് ഡിസോർഡർ രോഗികളിൽ നിന്നുള്ള, 429 ദിവസത്തെ ഡാറ്റ പരിശോധിച്ചാണ് ഗവേഷകർ പുതിയ ഉപകരണം നിർമിച്ചത്. വികസിപ്പിച്ചെടുത്ത എഐ മോഡലിന് യഥാക്രമം 80 ശതമാനം, 98 ശതമാനം, 95 ശതമാനം കൃത്യതയോടെ ഡിപ്രസീവ്, മാനിക്, ഹൈപ്പോമാനിക് തുടങ്ങിയ മാനസികാവസ്ഥകൾ പ്രവചിക്കാൻ കഴിഞ്ഞെന്നും ഗവേഷകർ അവകാശപ്പെട്ടു. ഈ പുതിയ സാങ്കേതികവിദ്യ മാനസികാരോഗ്യ മേഖലയിൽ വലിയ മുന്നേറ്റമുണ്ടാക്കുമെന്ന് പ്രതീക്ഷിക്കപ്പെടുന്നു.