ആനകളുടെ ജീവൻ രക്ഷിച്ച എഐ സംവിധാനത്തിന്റെ വാർത്തയാണ് ഇപ്പോൾ പുറത്തുവന്നിരിക്കുന്നത്. എഐയുടെ ദുരുപയോഗത്തെക്കുറിച്ച് ലോകം ആശങ്കപ്പെടുമ്പോഴാണ് ഈ സംഭവം നടന്നത്. ഒക്ടോബർ 16ന് രാത്രി 8.30ന് ഹവായ്പൂരിർ ലാംസാംഹാംഗ് സ്റ്റേഷനുകൾക്കിടയിൽ കാംരൂപ് എക്സ്പ്രസിന്റെ ലോക്കോപൈലറ്റ് ജെഡി ദാസും അസിസ്റ്റന്റ് ഉമേഷ് കുമാറും ആനക്കൂട്ടത്തെ കണ്ടു.
എഐ പിന്തുണയുള്ള ഇൻട്രൂഷൻ ഡിറ്റക്ഷൻ സിസ്റ്റമാണ് ആദ്യം മുന്നറിയിപ്പ് നൽകിയത്. തുടർന്ന് ലോക്കോപൈലറ്റ് എമർജൻസി ബ്രേക്ക് പിടിച്ച് അറുപതോളം കാട്ടാനകളുമായി കൂട്ടിയിടിച്ച് ഉണ്ടാകേണ്ട വൻ അപകടം ഒഴിവാക്കി. ഗുവാഹത്തിയിൽ നിന്നും ലുംഡിംഗിലേക്ക് പോകുകയായിരുന്നു ട്രെയിൻ.
ഈസ്റ്റ് സെൻട്രൽ റെയിൽവേ ഈ സംവിധാനം ആനകൾ ക്രോസ് ചെയ്യാൻ സാധ്യതയുള്ള ഇടങ്ങളിൽ സ്ഥാപിക്കാനുള്ള തീരുമാനത്തിലാണ്. 2023ൽ 414 ആനകളുടെയും ഈ വർഷം ജനുവരി മുതൽ 383 ആനകളുടെയും ജീവനാണ് ഇത്തരത്തിൽ രക്ഷിക്കപ്പെട്ടത്. ഇത് എഐയുടെ നല്ല വശത്തെക്കുറിച്ചുള്ള ഒരു ഉദാഹരണമാണ്.
Story Highlights: AI-powered intrusion detection system saves elephants from train collision in Assam, India
