Excise team seizes cannabis in Adoor, arrests two Pathanapuram natives

അടൂരിൽ വൻ കഞ്ചാവ് വേട്ടയിൽ രണ്ട് പേർ പിടിയിലായി. പത്തനാപുരം സ്വദേശികളായ സനൂപ് (28), അബു എ (40) എന്നിവരാണ് പിടിയിലായത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

അടൂർ-പത്തനാപുരം റൂട്ടിലെ മരിതുമൂട് മങ്ങാട് ആലേപ്പടി ജംഗ്ഷനിൽ വെച്ചാണ് എക്സൈസ് സംഘം മഹീന്ദ്രാ മാക്സിമോയിൽ കൊണ്ടുവന്ന കഞ്ചാവ് പിടികൂടിയത്. ഇന്ന് വൈകിട്ട് 3 മണിയോടെയാണ് സംഭവം നടന്നത്.

എക്സൈസ് സംഘത്തിന്റെ വാഹന പരിശോധനയ്ക്കിടെ നിർത്താതെ പോയ വാഹനത്തെ പിന്തുടർന്ന് പിടികൂടുകയായിരുന്നു. പത്തനാപുരത്ത് നിന്ന് അടൂർ ഭാഗത്തേക്ക് വരുമ്പോഴാണ് വാഹനം പിടികൂടിയത്.

എക്സൈസിനെ കണ്ടപ്പോൾ കഞ്ചാവ് എടുത്ത് പുറത്തേക്ക് കളഞ്ഞ് രക്ഷപ്പെടാൻ ശ്രമിച്ചെങ്കിലും ചെയ്സ് ചെയ്ത് പിടികൂടുകയായിരുന്നു. അടൂർ എക്സൈസ് റേഞ്ച് ഇൻസ്പെക്ടർ അരുൺ അശോക്, അസിസ്റ്റന്റ് എക്സൈസ് ഇൻസ്പെക്ടർ ഹരീഷ് കുമാർ, സിവിൽ ഓഫീസർമാരായ ജിതിൻ, ജോബിൻ, സുരേഷ് ഡേവിഡ് എന്നിവരുടെ നേതൃത്വത്തിലാണ് കഞ്ചാവ് പിടികൂടിയത്.

ഏഴംകുളം അടൂർ ഭാഗത്ത് വിതരണം ചെയ്യാൻ കൊണ്ടുപോയ കഞ്ചാവാണ് പിടികൂടിയതെന്ന് അധികൃതർ അറിയിച്ചു.

കഴക്കൂട്ടം റെയിൽവേ സ്റ്റേഷനിലെ പാർക്കിംഗ് ഫീസ് കുത്തനെ കൂട്ടി; വർധന ഇരട്ടിയിലേറെ, പ്രതിഷേധം

Story Highlights: Excise team seizes cannabis in Adoor, arrests two Pathanapuram natives

തിരുവനന്തപുരം യൂണിവേഴ്സിറ്റി ബോയ്സ് ഹോസ്റ്റലിൽ എക്സൈസ് റെയ്ഡ്: 20 ഗ്രാം കഞ്ചാവ് പിടികൂടി