ADGP MR Ajith Kumar: Decision on action expected today

എഡിജിപി എംആർ അജിത് കുമാറിനെതിരായ നടപടിയിൽ ഇന്ന് തീരുമാനമുണ്ടായേക്കും. ഇതിന്റെ ഭാഗമായി പി ശശിയും സി എം രവീന്ദ്രനും മുഖ്യമന്ത്രിയെ കാണാനെത്തി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കെ കെ രാഗേഷും ക്ലിഫ് ഹൗസിൽ എത്തിയതായി റിപ്പോർട്ടുകളുണ്ട്. ഡിജിപി ഷേഖ് ദര്വേഷ് സാഹിബ് ഉടൻ തന്നെ ഇവിടേക്ക് എത്തുമെന്നാണ് സൂചന.

എഡിജിപിക്കെതിരായ ആരോപണങ്ങളിൽ ഡിജിപിയുടെ അന്വേഷണ റിപ്പോർട്ട് ഇന്നലെ രാത്രി സർക്കാറിന് സമർപ്പിച്ചിരുന്നു. ഔദ്യോഗിക വാഹനം അടക്കം ഉപേക്ഷിച്ച് രഹസ്യമായി സന്ദര്ശിച്ച നടപടിയില് ചട്ടലംഘനമുണ്ടായെന്നായിരുന്നു ഡിജിപിയുടെ കണ്ടെത്തല്.

എടവണ്ണ റിദാന് കൊലപാതക കേസിലെയും, മാമി തിരോധാന കേസിലും അജിത്കുമാറിന് പരിക്കില്ലെങ്കിലും, ഈ രണ്ടു കേസുകളിലും പൊലീസ് വീഴ്ച്ച പരിശോധിക്കാന് വിശദ അന്വേഷണത്തിന് റിപ്പോര്ട്ടില് ശുപാര്ശയുണ്ട്. അതേസമയം, റിപ്പോർട്ട് മുഖ്യമന്ത്രിയുടെ മുന്നിൽ വന്നാൽ മുൻവിധിയില്ലാതെ നടപടി ഉണ്ടാകുമെന്ന് എൽഡിഎഫ് കൺവീനർ ടിപി രാമകൃഷ്ണൻ വ്യക്തമാക്കി.

ശരിയുടെ പക്ഷത്താണ് ഗവൺമെൻ്റ് എന്നും തെറ്റ് ചെയ്താൽ നടപടി ഉണ്ടാകുമെന്നും അദ്ദേഹം കൂട്ടിച്ചേർത്തു. ഈ സാഹചര്യത്തിൽ, എഡിജിപി എംആർ അജിത് കുമാറിനെതിരായ നടപടികൾ സംബന്ധിച്ച് ഇന്ന് പ്രധാന തീരുമാനങ്ങൾ ഉണ്ടായേക്കുമെന്ന് പ്രതീക്ഷിക്കപ്പെടുന്നു.

വെള്ളാപ്പള്ളിയുടെ പരാമർശത്തിന് മറുപടിയുമായി മന്ത്രി കെ. ബി. ഗണേഷ് കുമാർ

Story Highlights: Decision expected on action against ADGP MR Ajith Kumar, key officials meet at Cliff House

എം ഹേമലത ഐപിഎസ് എറണാകുളം റൂറൽ പോലീസ് മേധാവിയായി ചുമതലയേറ്റു