സംവിധായകനെതിരെ അമ്മയിൽ പരാതി നൽകി ശ്രീദേവിക; നടപടി ആവശ്യപ്പെട്ട് രംഗത്ത്

അമ്മ സംഘടനയിൽ സംവിധായകനെതിരെ പരാതി നൽകിയതായി നടി ശ്രീദേവിക വെളിപ്പെടുത്തി. എന്നാൽ, പരാതി ലഭിച്ചതിന്റെ ഔദ്യോഗിക അറിയിപ്പ് അമ്മയിൽ നിന്നും ലഭിച്ചിട്ടില്ലെന്ന് അവർ 24നോട് പറഞ്ഞു. ഭരണസമിതി പിരിച്ചുവിട്ടതിനാൽ പരാതി ആരാണ് കൈകാര്യം ചെയ്യുകയെന്ന ചോദ്യവും ശ്രീദേവിക ഉന്നയിച്ചു. നേരത്തെ ദുരനുഭവം അറിയിച്ച് അമ്മയ്ക്ക് കത്ത് നൽകിയിട്ടും നടപടിയുണ്ടായില്ലെന്നും എഎംഎംഎയിൽ പരാതി നൽകിയിട്ടും നീതി ലഭിച്ചില്ലെന്നും നടി ആരോപിച്ചു.

2006-ൽ ‘അവൻ ചാണ്ടിയുടെ മകൻ’ എന്ന സിനിമയുടെ സെറ്റിൽ വെച്ച് തനിക്ക് ദുരനുഭവം ഉണ്ടായതായി ശ്രീദേവിക വെളിപ്പെടുത്തിയിരുന്നു. സംവിധായകൻ രാത്രി ഹോട്ടൽ മുറിയിലെ കതകിൽ തുടർച്ചയായി മുട്ടി വിളിച്ചുവെന്നും മൂന്നോ നാലോ ദിവസം ഇത് തുടർന്നുവെന്നും അവർ പറഞ്ഞു. റിസപ്ഷനിൽ അറിയിച്ചപ്പോൾ സംവിധായകനാണ് മുട്ടിയതെന്ന് പറഞ്ഞതായും നടി വ്യക്തമാക്കി.

ഈ സംഭവത്തെക്കുറിച്ച് തന്റെ അമ്മ സഹനടനോട് പറഞ്ഞതായും പിന്നീട് മറ്റൊരു മുറിയിലേക്ക് മാറേണ്ടി വന്നതായും ശ്രീദേവിക വെളിപ്പെടുത്തി. സെറ്റിലടക്കം വളരെ മോശമായി പെരുമാറിയ സംവിധായകൻ ഷോട്ടുകളും സംഭാഷണങ്ങളും വെട്ടിച്ചുരുക്കിയെന്നും അവർ ആരോപിച്ചു. ഇപ്പോൾ, SITയോട് സംസാരിക്കാൻ തയാറെന്ന സംവിധായകന് എതിരെയാണ് ശ്രീദേവിക അമ്മയിൽ പരാതി നൽകിയിരിക്കുന്നത്.

Story Highlights: Actress Sridevika files complaint against director in AMMA, alleges harassment and lack of action