മമ്മൂട്ടി ചിത്രം നന്‍പകല്‍ നേരത്ത് മയക്കത്തിലൂടെ മലയാളികളുടെ ശ്രദ്ധ നേടിയ നടി രമ്യ പാണ്ഡ്യൻ വിവാഹിതയാകാൻ പോകുന്നുവെന്ന് തമിഴ് മാധ്യമങ്ങൾ റിപ്പോർട്ട് ചെയ്യുന്നു. യോഗ ട്രെയിനറും ലൈഫ് കോച്ചുമായ ലോവല്‍ ധവാനുമായിട്ടാണ് രമ്യയുടെ വിവാഹം നടക്കുന്നതെന്നാണ് വിവരം. അടുത്ത മാസം 8 ന് ഋഷികേശ് ക്ഷേത്രത്തില്‍ വച്ചായിരിക്കും വിവാഹം നടക്കുക. നവംബര്‍ 15 ന് ചെന്നൈയില്‍ വച്ച് വിവാഹ റിസപ്ഷന്‍ നടത്താനും പദ്ധതിയുണ്ട്.
ബംഗളൂരിവിലെ ആര്‍ട്ട് ഓഫ് ലിവിങ് ഇന്റര്‍നാഷണല്‍ സെന്ററിലെ യോഗ ട്രെയിനറാണ് ലോവല്‍ ധവാന്‍. കഴിഞ്ഞ വർഷമാണ് രമ്യ യോഗ പരിശീലനത്തിനായി അവിടെ ജോയിൻ ചെയ്തത്. തുടർന്ന് ഇരുവരും തമ്മിൽ സുഹൃത്തുക്കളാകുകയും പ്രണയത്തിലാവുകയായിരുന്നു.
മമ്മൂട്ടിയുടെ ഭാര്യയായി പൂങ്കുഴലി എന്ന കഥാപാത്രത്തെയാണ് രമ്യ നന്‍പകല്‍ നേരത്ത് മയക്കം എന്ന ചിത്രത്തിൽ അവതരിപ്പിച്ചത്. തമിഴ് സിനിമയിലും രമ്യ ശ്രദ്ധേയമായ കഥാപാത്രങ്ങളെ അവതരിപ്പിച്ചിട്ടുണ്ട്. ഇപ്പോൾ അഭിനയത്തിനൊപ്പം യോഗയിലും ശ്രദ്ധ കേന്ദ്രീകരിച്ചിരിക്കുകയാണ് രമ്യ പാണ്ഡ്യൻ.
Story Highlights: Actress Ramya Pandian to marry yoga trainer Lovel Dhawan in Rishikesh next month
