Actress Parvathy Nair Faces Legal Action for Alleged Employee Assault

നടി പാർവതി നായർക്കെതിരെ ചെന്നൈ പൊലീസ് കേസെടുത്തു. ജീവനക്കാരനെ മർദ്ദിച്ചെന്ന പരാതിയിലാണ് നടിക്കും നിർമ്മാതാവ് കൊടപ്പാടി രാജേഷ് ഉൾപ്പെടെ 7 പേർക്കെതിരെയും കേസെടുത്തത്. സുഭാഷ് ചന്ദ്രബോസ് എന്ന യുവാവിന്റെ പരാതിയിലാണ് നടപടി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

2022 ഒക്ടോബറിൽ ചെന്നൈയിലെ നുങ്കമ്പാക്കത്തുള്ള നടിയുടെ വീട്ടിൽ നിന്ന് 9 ലക്ഷം രൂപയും 1. 5 ലക്ഷം രൂപയുടെ ഐഫോണും 2 ലക്ഷം രൂപയുടെ ലാപ്ടോപ്പും കാണാതായിരുന്നു. മോഷണം നടത്തിയത് നടിയുടെ വീട്ടിലെ ജീവനക്കാരനായിരുന്ന താനാണെന്ന് ആരോപിച്ച് നടിയും സുഹൃത്തുക്കളും ചേർന്ന് തന്നെ മുറിയിൽ പൂട്ടിയിട്ട് മർദ്ദിച്ചെന്നാണ് സുഭാഷിന്റെ പരാതി.

തന്നെ ശാരീരികമായി ഉപദ്രവിക്കുകയും മുഖത്ത് തുപ്പുകയും ചെയ്തെന്നും സുഭാഷ് മാധ്യമങ്ങളോട് പറഞ്ഞു. പണവും സ്വർണവും മോഷ്ടിച്ചത് വീട്ടിൽ ജോലിക്ക് നിന്നിരുന്ന സുഭാഷ് ചന്ദ്രബോസിനെ സംശയമുണ്ടെന്ന് കാണിച്ച് നടിയും നുങ്കമ്പാക്കം പൊലീസിൽ പരാതി നൽകിയിരുന്നു. പരാതി നൽകി നാളുകൾ കഴിഞ്ഞിട്ടും നടപടി ഉണ്ടായില്ലെന്ന് കാണിച്ച് കഴിഞ്ഞ മാസം സുഭാഷ് സൈദാപേട്ട് കോടതിയിൽ ഹർജി നൽകി.

രാഹുൽ മാങ്കൂട്ടത്തിലിനെതിരായ കേസ്: ക്രൈംബ്രാഞ്ച് എഫ്.ഐ.ആർ പകർപ്പ് പുറത്ത്

കോടതി നിർദേശപ്രകാരമാണ് ഇപ്പോൾ പാർവതിക്കും നിർമ്മാതാവ് രാജേഷിനും മറ്റ് അഞ്ച് പേർക്കുമെതിരെ കേസെടുത്തിരിക്കുന്നത്. മലയാളം, തമിഴ്, കന്നഡ സിനിമകളിൽ സജീവമായ പാർവതി മോഡൽ കൂടിയാണ്.

Story Highlights: Chennai police file case against actress Parvathy Nair and 6 others for allegedly assaulting an employee

ചെന്നൈയിൽ ചായക്കും കാപ്പിക്കും വില കൂടി