കൊച്ചിയിൽ ആക്രമിക്കപ്പെട്ട നടി മുൻ ഡിജിപി ആർ ശ്രീലേഖയ്ക്കെതിരെ കോടതിയലക്ഷ്യ ഹർജി സമർപ്പിച്ചു. വിചാരണക്കോടതിയിലാണ് അതിജീവിത ഈ ഹർജി നൽകിയത്. ദിലീപിനെതിരെ പൊലീസ് കള്ളത്തെളിവുകൾ ഉണ്ടാക്കിയെന്ന ആരോപണത്തിലാണ് നടി ഹർജി സമർപ്പിച്ചിരിക്കുന്നത്.
ഒരു ഓൺലൈൻ ചാനലിന് നൽകിയ അഭിമുഖത്തിലാണ് ശ്രീലേഖ ഈ ആരോപണം ഉന്നയിച്ചത്. ദിലീപ് നിരപരാധിയാണെന്നും തനിക്ക് ഉത്തമ ബോധ്യമുണ്ടെന്നും അവർ പറഞ്ഞിരുന്നു. ഇതേ കേസിൽ ദിലീപിന് അനുകൂലമായി ശ്രീലേഖ നടത്തിയ പ്രസ്താവനകൾ വിവാദമായിരുന്നു. കാലങ്ങൾക്ക് ശേഷം വീണ്ടും മറ്റൊരു അഭിമുഖത്തിൽ തന്റെ നിലപാട് ആവർത്തിക്കുകയും ചെയ്തു. ദിലീപ് ഈ കേസിൽ ശിക്ഷിക്കപ്പെടില്ലെന്ന് ശ്രീലേഖ ഐപിഎസ് ആത്മവിശ്വാസം പ്രകടിപ്പിക്കുകയും ചെയ്തിരുന്നു.
കേസിന്റെ വിചാരണ അന്തിമഘട്ടത്തിൽ എത്തിനിൽക്കുമ്പോൾ ശ്രീലേഖ ഇത്തരം പ്രസ്താവനകൾ നടത്തുന്നത് കോടതി നടപടികളോടുള്ള അനാദരവാണെന്നാണ് അതിജീവിത ഹർജിയിലൂടെ ചൂണ്ടിക്കാട്ടിയിരിക്കുന്നത്. അതേസമയം, നടിയെ ആക്രമിച്ച കേസിലെ അന്തിമവാദം ഇന്ന് ആരംഭിക്കും. എറണാകുളം പ്രിൻസിപ്പൽ സെഷൻസ് കോടതിയിലാണ് വാദം നടക്കുക. നടൻ ദിലീപ് ഉൾപ്പെടെ 9 പേരാണ് കേസിൽ പ്രതികൾ. കേസിലെ ഒന്നാം പ്രതി പൾസർ സുനിക്ക് ഏഴര വർഷത്തിന് ശേഷം സുപ്രീംകോടതി ജാമ്യം അനുവദിച്ചിരുന്നു.
2017 ഫെബ്രുവരിയിലാണ് കൊച്ചിയിൽ ഓടിക്കൊണ്ടിരുന്ന വാഹനത്തിൽ നടിയെ അതിക്രൂരമായി ആക്രമിച്ചത്. 2018 മാർച്ചിൽ ആരംഭിച്ച കേസിന്റെ വിചാരണ നടപടികളാണ്, വർഷങ്ങൾക്കുശേഷം അന്തിമഘട്ടത്തിലേക്ക് എത്തുന്നത്. കേസിൽ സാക്ഷിവിസ്താരം ഒന്നരമാസം മുമ്പ് പൂർത്തിയായിരുന്നു. കോടതിയിൽ ഹാജരാക്കിയ തെളിവുകളുമായി ബന്ധപ്പെട്ട് അന്തിമവാദത്തിന് കൂടുതൽ സമയം വേണമെന്ന് പ്രോസിക്യൂഷൻ ആവശ്യപ്പെടും. ഒരു മാസത്തിനകം അന്തിമവാദത്തിന്റെ നടപടിക്രമങ്ങൾ പൂർത്തിയാകാനാണ് സാധ്യത.
Story Highlights: Actress assault case survivor files contempt petition against former DGP R Sreelekha for statements on Dileep’s innocence.
നടിയെ ആക്രമിച്ച കേസിൽ കൊച്ചിയിലെ വിചാരണ കോടതി ഇന്ന് വീണ്ടും വാദം കേൾക്കും. Read more
കൊച്ചിയിൽ നടി ആക്രമിക്കപ്പെട്ട കേസിൽ വിധി പറയാനുള്ള തീയതി ഇന്ന് വിചാരണ കോടതി Read more
നടൻ ദിലീപിന്റെ ആലുവയിലെ വസതിയിൽ അതിക്രമിച്ചു കടക്കാൻ ശ്രമിച്ച ഒരാളെ പോലീസ് അറസ്റ്റ് Read more
നടിയെ ആക്രമിച്ച കേസിൽ വിചാരണ വൈകുന്നതിനെതിരെ ഹൈക്കോടതി റിപ്പോർട്ട് തേടി. വിചാരണ കോടതിയിൽ Read more
കൊച്ചിയിൽ നടിയെ ആക്രമിച്ച കേസിലെ വാദം പൂർത്തിയായി. മെയ് 21ന് കേസ് വീണ്ടും Read more
നടിയെ ആക്രമിച്ച കേസിൽ സിബിഐ അന്വേഷണം ആവശ്യപ്പെട്ട് ദിലീപ് നൽകിയ ഹർജി ഹൈക്കോടതി Read more
നടിയെ ആക്രമിച്ച കേസിൽ സിബിഐ അന്വേഷണം ആവശ്യപ്പെട്ട് ദിലീപ് നൽകിയ അപ്പീൽ ഇന്ന് Read more
നടിയെ ആക്രമിച്ച കേസിലെ വിചാരണ അവസാന ഘട്ടത്തിലാണ്. പ്രതിഭാഗത്തിന്റെ വാദം ഇന്ന് ആരംഭിക്കും. Read more
നടിയെ ആക്രമിച്ച കേസിലെ ഒന്നാം പ്രതി പൾസർ സുനി സുപ്രീം കോടതിയെ സമീപിച്ചു. Read more
നടിയെ ആക്രമിച്ച കേസിൽ തുറന്ന കോടതിയിൽ വിചാരണ നടത്തണമെന്ന അതിജീവിതയുടെ ആവശ്യം എറണാകുളം Read more
