Actor-teacher Naser Karutheni suspended for student abuse case

മലപ്പുറം ജില്ലയിലെ വണ്ടൂരിൽ വിദ്യാർത്ഥിനിയെ പീഡിപ്പിച്ച കേസിൽ അറസ്റ്റിലായ നടനും അധ്യാപകനുമായ നാസർ കറുത്തേനിക്കെതിരെ വിദ്യാഭ്യാസ വകുപ്പ് കർശന നടപടി സ്വീകരിച്ചു. ജിജിവിഎച്എസ് സ്കൂളിലെ അറബിക് അധ്യാപകനായ നാസറിനെ അധ്യാപക ജോലിയിൽ നിന്ന് സസ്പെൻഡ് ചെയ്തതായി വിദ്യാഭ്യാസ വകുപ്പ് അറിയിച്ചു. സർവീസ് ചട്ടങ്ങൾ അനുസരിച്ചാണ് ഈ നടപടി സ്വീകരിച്ചതെന്ന് വകുപ്പ് വ്യക്തമാക്കി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

വണ്ടൂർ കാളികാവ് റോഡിലുള്ള സ്വകാര്യ ഓഫീസിൽ വച്ചാണ് നാസർ പെൺകുട്ടിയെ പീഡനത്തിനിരയാക്കിയത്. സംഭവത്തെക്കുറിച്ച് കുട്ടി സഹപാഠികളോട് വെളിപ്പെടുത്തിയതിനെ തുടർന്ന് സ്കൂളിൽ വച്ച് കുട്ടിയെ കൗൺസിലിംഗിന് വിധേയമാക്കി. പൊലീസ് കേസ് രജിസ്റ്റർ ചെയ്തതോടെ അധ്യാപകൻ ഒളിവിൽ പോയെങ്കിലും പിന്നീട് കീഴടങ്ങുകയായിരുന്നു. തുടർന്ന് പൊലീസ് അറസ്റ്റ് രേഖപ്പെടുത്തി. എന്നാൽ, കേസ് ഒതുക്കി തീർക്കാൻ ശ്രമിക്കുന്നതായി ആക്ഷേപമുയർന്നിരുന്നു.

നാസർ കറുത്തേനി സിനിമാ രംഗത്തും സജീവമായിരുന്നു. ‘ആടുജീവിതം’, ‘സുഡാനി ഫ്രം നൈജീരിയ’, ‘കുരുതി’, ‘ഹലാൽ ലവ് സ്റ്റോറി’ തുടങ്ങിയ ചിത്രങ്ങളിൽ പ്രധാന വേഷങ്ങളിൽ അദ്ദേഹം അഭിനയിച്ചിട്ടുണ്ട്. അധ്യാപകനായ നാസർ അവധി ദിനത്തിൽ തന്റെ സ്വകാര്യ ഓഫീസിൽ എത്തിച്ചാണ് വിദ്യാർത്ഥിനിയെ ലൈംഗികമായി ഉപദ്രവിച്ചതെന്ന് അന്വേഷണത്തിൽ വ്യക്തമായി. ഈ സംഭവം വിദ്യാഭ്യാസ മേഖലയിലും സിനിമാ ലോകത്തും വലിയ ചർച്ചകൾക്ക് വഴിവച്ചിട്ടുണ്ട്.