Actor Siddique meets lawyer in Kochi after Supreme Court bail

ഒളിവിലായിരുന്ന നടൻ സിദ്ദിഖ് തന്റെ അഭിഭാഷകൻ ബി രാമൻപിള്ളയെ കാണാൻ കൊച്ചിയിലെത്തി. സുപ്രീം കോടതിയിൽ നിന്ന് ഇടക്കാല മുൻകൂർ ജാമ്യം ലഭിച്ചതിനു പിന്നാലെയാണ് ചൊവ്വാഴ്ച വൈകിട്ട് അഞ്ചു മണിയോടെ സിദ്ദിഖ് രാമൻപിള്ളയുടെ എറണാകുളം കച്ചേരിപ്പടിയിലുള്ള ഓഫീസിൽ എത്തിയത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കേസുമായി ബന്ധപ്പെട്ടുള്ള തുടർ നടപടികൾ ആലോചിക്കുന്നതിൻ്റെ ഭാഗമായിട്ടായിരുന്നു ഈ കൂടിക്കാഴ്ച. ഒരു മണിക്കൂറോളം നീണ്ട കൂടിക്കാഴ്ചയ്ക്കു ശേഷം സിദ്ദിഖ് മടങ്ങി.

അന്വേഷണ സംഘത്തിനു മുന്നിൽ ഹാജരാകുമോ എന്ന മാധ്യമപ്രവർത്തകരുടെ ചോദ്യത്തിന് അദ്ദേഹം യാതൊന്നും പ്രതികരിച്ചില്ല. ഹൈക്കോടതി മുൻകൂർ ജാമ്യാപേക്ഷ തള്ളിയതിനു പിന്നാലെയാണ് മൊബൈൽ ഫോണുകൾ സ്വിച്ച് ഓഫ് ചെയ്ത് സിദ്ദിഖ് ഒളിവിൽ പോയത്.

പിന്നീട് സുപ്രീം കോടതിയിൽ മുൻകൂർ ജാമ്യാപേക്ഷ നൽകുകയും ഇടക്കാല മുൻകൂർ ജാമ്യം ലഭിക്കുകയും ചെയ്തു. അതേസമയം, ബലാത്സംഗക്കേസിൽ സിദ്ദിഖിനെ അറസ്റ്റുചെയ്യുന്നതുമായി ബന്ധപ്പെട്ട് പൊലീസ് നിയമോപദേശം തേടിയിട്ടുണ്ട്.

തുടർ നടപടികൾ ആലോചിക്കാൻ പ്രത്യേക അന്വേഷണ സംഘം തിരുവനന്തപുരത്ത് യോഗം ചേരുന്നുണ്ട്. ഈ സാഹചര്യത്തിൽ കേസിന്റെ തുടർ നടപടികൾ എങ്ങനെയായിരിക്കും എന്നതിൽ ആകാംക്ഷ നിലനിൽക്കുന്നു.

കൊച്ചിയിൽ വൻ ലഹരിമരുന്ന് വേട്ട: 500 ഗ്രാം എംഡിഎംഎ പിടികൂടി

Story Highlights: Actor Siddique, who was in hiding, met his lawyer in Kochi after obtaining interim anticipatory bail from the Supreme Court.

സുപ്രീം കോടതി ജഡ്ജിമാർ സ്വത്ത് വിവരങ്ങൾ പരസ്യമാക്കും