പ്രേക്ഷകരുടെ പ്രിയപ്പെട്ട നടനായ ഇന്ദ്രൻസ് ഏഴാം ക്ലാസ് തുല്യതാ പരീക്ഷയിൽ വിജയിച്ചതായി മന്ത്രി വി ശിവൻകുട്ടി അറിയിച്ചു. സാക്ഷരതാ മിഷൻ നടത്തിയ ഈ പരീക്ഷയിൽ ഇന്ദ്രൻസിനൊപ്പം 1483 പേരും വിജയിച്ചതായി മന്ത്രി അഭിനന്ദനം അറിയിച്ചു. അറുപത്തിയെട്ടാം വയസ്സിൽ ഈ നേട്ടം കൈവരിച്ച ഇന്ദ്രൻസ് തിരുവനന്തപുരം അട്ടക്കുളങ്ങരയിലെ സെൻട്രൽ സ്കൂളിലാണ് പരീക്ഷ എഴുതിയത്.
കോമഡി വേഷങ്ങളിൽ നിന്ന് പ്രധാന കഥാപാത്രങ്ങളിലേക്ക് മാറിയ ഇന്ദ്രൻസിന്റെ അഭിനയത്തിന് മികച്ച പ്രതികരണമാണ് ലഭിച്ചത്. പത്താം ക്ലാസ് തുല്യത നേടുക എന്നതാണ് ഇന്ദ്രൻസിന്റെ അടുത്ത ലക്ഷ്യം. സാക്ഷരതാ മിഷന്റെ ചട്ടപ്രകാരം ഏഴാം ക്ലാസ് ജയിച്ചാലേ പത്താം ക്ലാസിൽ പഠിക്കാനാവൂ എന്നതിനാലാണ് താരം ഈ പരീക്ഷ എഴുതിയത്.
പഠിക്കാൻ കഴിയാത്ത സാഹചര്യത്തിലാണ് ഇന്ദ്രൻസ് പഠനം നിർത്തി തയ്യൽ ജോലിയിലേക്ക് എത്തിയതെന്ന് താരം നേരത്തെ വെളിപ്പെടുത്തിയിരുന്നു. എന്നാൽ വായനാശീലം വിടാതിരുന്നതിനാൽ നിരവധി കാര്യങ്ങൾ മനസ്സിലാക്കാൻ സാധിച്ചുവെന്നും അത് തന്റെ ജീവിതത്തിൽ നിരവധി മാറ്റങ്ങൾ ഉണ്ടാക്കിയെന്നും അദ്ദേഹം പറഞ്ഞിരുന്നു.
Story Highlights: Actor Indrans passes 7th class equivalency exam at 68, aims for 10th class next
