കണ്ണൂർ◾: യൂത്ത് കോൺഗ്രസ് വൈസ് പ്രസിഡന്റ് അബിൻ വർക്കിക്കെതിരെ രൂക്ഷമായ വിമർശനങ്ങൾ ഉയരുന്നു. യൂത്ത് കോൺഗ്രസ് സംസ്ഥാന കമ്മിറ്റിയുടെ ഔദ്യോഗിക വാട്സാപ്പ് ഗ്രൂപ്പിലാണ് ഈ വിമർശനങ്ങൾ ഉയർന്നുവന്നിരിക്കുന്നത്. രാഹുൽ മാങ്കൂട്ടത്തിലിന്റെ ഒഴിവിലേക്ക് പുതിയ സംസ്ഥാന അധ്യക്ഷനെ നിയമിക്കാനിരിക്കെയാണ് ഈ തർക്കങ്ങൾ ഉടലെടുക്കുന്നത്.
യൂത്ത് കോൺഗ്രസ് സംസ്ഥാന കമ്മിറ്റിയുടെ ഔദ്യോഗിക വാട്സാപ്പ് ഗ്രൂപ്പിൽ, കട്ടപ്പ ബാഹുബലിയെ കുത്തുന്ന ഒരു ചിത്രം പോസ്റ്റ് ചെയ്തുകൊണ്ടാണ് വിമർശനം ആരംഭിച്ചത്. ഈ ചിത്രത്തിന്റെ പശ്ചാത്തലത്തിൽ അബിൻ വർക്കിയുടെ ചിത്രവും ഉൾപ്പെടുത്തിയിരുന്നു. “തോളിൽ കൈയ്യിട്ട് നടന്നവന്റെ കുത്തിന് ആഴമേറും” എന്നാണ് ചിത്രത്തിലെ പ്രധാന വാചകം.
അഭിൻ വർക്കിയെ അധ്യക്ഷനാക്കാൻ രമേശ് ചെന്നിത്തലയുടെ ഐ ഗ്രൂപ്പും, കെ.എം.അഭിജിത്തിനെ അധ്യക്ഷനാക്കാൻ എം.കെ.രാഘവൻ എം.പിയും ശക്തമായ സമ്മർദ്ദം ചെലുത്തുന്നുണ്ട്. അതേസമയം, യൂത്ത് കോൺഗ്രസ് ദേശീയ സെക്രട്ടറി ബിനു ചുളളിയിലിനാണ് കെ.സി.വേണുഗോപാലിൻ്റെ പിന്തുണയുള്ളത്. സാമുദായിക സംതുലനം കൂടി പരിഗണിച്ച് സംസ്ഥാന നേതാക്കൾ ചർച്ച ചെയ്ത് ഹൈക്കമാൻഡിന് നിർദ്ദേശം നൽകും. അതിനു ശേഷം ഹൈക്കമാൻഡ് അന്തിമ തീരുമാനം എടുത്ത് പ്രഖ്യാപിക്കും.
ഷാഫി പറമ്പിലിൻെറയും രാഹുൽ മാങ്കൂട്ടത്തിലിൻെറയും വിശ്വസ്തനായ കണ്ണൂർ ജില്ലാ പ്രസിഡൻറ് വിജിൽ മോഹനനാണ് അബിൻ വർക്കിക്കെതിരെ ഈ നീക്കം നടത്തിയത്. ഇതിനു പിന്നാലെ അബിനെ ലക്ഷ്യം വെച്ചുള്ള ശകാര വർഷമാണ് വാട്സാപ്പ് ഗ്രൂപ്പിൽ അരങ്ങേറിയത്. എ ഗ്രൂപ്പിൻെറ നീക്കത്തിന് പിന്നിലെ ലക്ഷ്യവും ഇതിലൂടെ വെളിവാക്കപ്പെട്ടു.
അതേസമയം, ഹുലിന് തൊട്ടുപുറകിൽ രണ്ടാം സ്ഥാനത്ത് എത്തിയ അബിൻ വർക്കിക്ക് തന്നെ നറുക്ക് വീഴാനാണ് കൂടുതൽ സാധ്യത. രമേശ് ചെന്നിത്തല ഉൾപ്പെടെയുള്ള നേതാക്കൾ അബിൻ വർക്കിക്കായി സമ്മർദ്ദം ചെലുത്തുന്നുണ്ട്. യൂത്ത് കോൺഗ്രസ് ദേശീയ നേതൃത്വത്തിലേക്ക് തിരഞ്ഞെടുക്കപ്പെട്ട ബിനു ചുള്ളിയിലിൻ്റെ പേരും സജീവമായി പരിഗണിക്കപ്പെടുന്നു. ബിനു ചുള്ളിയിലിന് കെ.സി വേണുഗോപാലിന്റെ പിന്തുണ ഒരു വലിയ മുതൽക്കൂട്ടാണ്.
തമ്മിലടി രൂക്ഷമായതിനെ തുടർന്ന് ദേശീയ സെക്രട്ടറി പുഷ്പലത ഇടപെട്ട് വാട്സാപ്പ് ഗ്രൂപ്പ് അഡ്മിൻ ഒൺലിയാക്കി മാറ്റി. “പിന്നിൽ നിന്ന് കുത്തി ഒരുത്തനെ നശിപ്പിച്ചിട്ട് ഒരു ഒറ്റുകാരനും വരേണ്ടെന്നും”, “ഇന്നലെ ചാരിത്ര്യ പ്രസംഗം നടത്തിയവർ കണ്ണാടിയിൽ നോക്കണ”മെന്നും നേതാക്കൾ വിമർശിച്ചു. “ഒരുത്തൻെറ ചോരയിൽ ചവിട്ടി നേതാവാകാം എന്നാരും വിചാരിക്കേണ്ട” എന്നും ചിലർ കുറിച്ചു.
അതേസമയം, രാജി ആവശ്യം ശക്തമായി ഉയരുന്നുണ്ടെങ്കിലും രാഹുൽ മാങ്കൂട്ടത്തിൽ എംഎൽഎ സ്ഥാനം രാജി വെക്കേണ്ടതില്ലെന്നാണ് കോൺഗ്രസിൻെറ ഇപ്പോഴത്തെ നിലപാട്.
Story Highlights : Abin Varkey faces severe criticism in Youth Congress official WhatsApp group
തദ്ദേശ തിരഞ്ഞെടുപ്പിന്റെ ആദ്യഘട്ട പരസ്യ പ്രചാരണം നാളെ അവസാനിക്കും. തിരുവനന്തപുരം മുതൽ എറണാകുളം Read more
2029-ൽ കേരളത്തിൽ ബിജെപി അധികാരത്തിൽ വരുമെന്ന് പി.സി. ജോർജ് പ്രസ്താവിച്ചു. പൂഞ്ഞാർ, പാലാ Read more
പ്രതിപക്ഷ നേതാവ് വി.ഡി. സതീശൻ സർക്കാരിനും മുഖ്യമന്ത്രിക്കുമെതിരെ രൂക്ഷ വിമർശനങ്ങളുന്നയിച്ചു. തിരഞ്ഞെടുപ്പിൽ യുഡിഎഫ് Read more
രാഹുൽ മാങ്കൂട്ടത്തിലിനെ ഒളിപ്പിച്ചതെവിടെയെന്ന് കോൺഗ്രസ് വ്യക്തമാക്കണമെന്ന് ജോൺ ബ്രിട്ടാസ് എംപി ആവശ്യപ്പെട്ടു. ഇൻഡിഗോ Read more
രാഹുൽ മാങ്കൂട്ടത്തിലിന്റെ അറസ്റ്റ് ഹൈക്കോടതി തടഞ്ഞത് സർക്കാരിന് തിരിച്ചടിയാണെന്ന് ബിജെപി നേതാവ് കെ. Read more
രാഹുൽ മാങ്കൂട്ടത്തിലിനെ അറസ്റ്റ് ചെയ്യാത്തതിനെ മുഖ്യമന്ത്രി പിണറായി വിജയൻ ന്യായീകരിച്ചു. രാഹുലിന് ഒളിവിൽ Read more
തദ്ദേശ തിരഞ്ഞെടുപ്പിൽ ശബരിമല വിഷയം പ്രചാരണ വിഷയമാക്കില്ലെന്ന് സുരേഷ് ഗോപി. ശബരിമലയിലെ അടിസ്ഥാന Read more
രാഹുൽ മാങ്കൂട്ടത്തിൽ വിഷയത്തിൽ എഐസിസി ജനറൽ സെക്രട്ടറി കെ സി വേണുഗോപാൽ എംപി Read more
തൃശ്ശൂരിൽ ബിജെപി നടത്താനിരുന്ന തിരഞ്ഞെടുപ്പ് പ്രചാരണ പരിപാടിയിൽ ഖുശ്ബു പങ്കെടുക്കില്ല. ഇൻഡിഗോ വിമാനത്തിന്റെ Read more
തിരഞ്ഞെടുപ്പിൽ കേരളത്തിന്റെ സമഗ്ര വികസനമാണ് ബിജെപി ലക്ഷ്യമിടുന്നതെന്ന് കേന്ദ്രമന്ത്രി ജോർജ് കുര്യൻ പറഞ്ഞു. Read more
