Medical Board Formed for Abandoned Baby in Kerala

കോട്ടയത്ത് ജോലി ചെയ്തിരുന്ന ജാർഖണ്ഡ് സ്വദേശികളായ മാതാപിതാക്കൾ ഉപേക്ഷിച്ച നവജാത ശിശുവിന്റെ ചികിത്സയ്ക്കായി മെഡിക്കൽ ബോർഡ് രൂപീകരിച്ചതായി ആരോഗ്യ മന്ത്രി വീണാ ജോർജ് അറിയിച്ചു. കുഞ്ഞിന്റെ സ്വകാര്യ ആശുപത്രിയിലെ ചികിത്സാ ചെലവ് ബാലനിധി വഹിക്കുമെന്നും മന്ത്രി വ്യക്തമാക്കി. ലൂർദ് ആശുപത്രിയിൽ കഴിഞ്ഞ 24 ദിവസമായി ചികിത്സയിലായിരുന്ന കുഞ്ഞിനെ രക്ഷിതാക്കൾ ഏറ്റെടുത്തില്ലെങ്കിൽ ശിശുക്ഷേമ സമിതി സംരക്ഷണം ഏറ്റെടുക്കും. കുഞ്ഞിന്റെ ആരോഗ്യനിലയിൽ പുരോഗതിയുണ്ടെന്നും മന്ത്രി അറിയിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ജനനസമയത്ത് ഒരു കിലോയിൽ താഴെ മാത്രം ഭാരമുണ്ടായിരുന്ന കുഞ്ഞിന് ഇപ്പോൾ ഒരു കിലോയിൽ കൂടുതൽ ഭാരമുണ്ട്. പൂർണ്ണ വളർച്ചയെത്താതെ ജനിക്കുന്ന കുട്ടികൾക്കുണ്ടാകുന്ന ഗുരുതരമായ ആരോഗ്യ പ്രശ്നങ്ങൾ ഈ കുഞ്ഞിനില്ല. എറണാകുളം ലൂർദ് ആശുപത്രിയിൽ നിന്ന് കുഞ്ഞിനെ ജനറൽ ആശുപത്രിയിലേക്ക് മാറ്റിയിരുന്നു. കുഞ്ഞിന് വിദഗ്ധ ചികിത്സ ഉറപ്പാക്കാൻ ജനറൽ ആശുപത്രി സൂപ്രണ്ടിന് മന്ത്രി നിർദേശം നൽകി.

സ്പെഷ്യൽ ന്യൂ ബോൺ കെയർ യൂണിറ്റിൽ ചികിത്സയിലുള്ള കുഞ്ഞ് ഇപ്പോഴും ഓക്സിജൻ സപ്പോർട്ടിലാണ്. തലയിൽ ചെറിയ രക്തസ്രാവമുണ്ടെങ്കിലും ഓറൽ ആന്റിബയോട്ടിക് ചികിത്സ തുടരുന്നു. ജനറൽ ആശുപത്രിയിൽ മുലപ്പാൽ ബാങ്ക് സൗകര്യമുള്ളതിനാൽ കുഞ്ഞിന് മുലപ്പാൽ നൽകാൻ കഴിയുമെന്നതും ആശ്വാസകരമാണ്. ഒരു മാസത്തോളം തീവ്ര പരിചരണം ആവശ്യമാണെന്നും ഡോക്ടർമാർ അറിയിച്ചു.

എം.എ. ബേബി സിപിഐഎം ജനറൽ സെക്രട്ടറി

പ്രസവത്തിനായി നാട്ടിലേക്ക് പോകവേ അസ്വസ്ഥതകളുണ്ടായതിനെ തുടർന്ന് ജനറൽ ആശുപത്രിയിൽ പ്രവേശിപ്പിച്ച മംഗളേശ്വറും രജിതയുമാണ് കുഞ്ഞിന്റെ മാതാപിതാക്കൾ. കുഞ്ഞിനെ ഉപേക്ഷിച്ച് ഇവർ നാട്ടിലേക്ക് മടങ്ങി. മാതാപിതാക്കൾക്ക് താല്പര്യമുണ്ടെങ്കിൽ കുഞ്ഞിനെ തിരികെ നൽകുമെന്നും അല്ലാത്തപക്ഷം നിയമനടപടികളിലൂടെ കുഞ്ഞിനെ ഏറ്റെടുക്കാനാണ് ശിശുക്ഷേമ സമിതിയുടെ തീരുമാനമെന്നും അധികൃതർ വ്യക്തമാക്കി. കുഞ്ഞിന്റെ സംരക്ഷണം വനിത ശിശുവികസന വകുപ്പ് ഏറ്റെടുക്കുമെന്ന് കഴിഞ്ഞ ദിവസം മന്ത്രി വീണാ ജോർജ് പറഞ്ഞിരുന്നു.

കുഞ്ഞിന് വിദഗ്ധ ചികിത്സ ഉറപ്പാക്കാനും മന്ത്രി നിർദേശം നൽകിയിരുന്നു.

Story Highlights: A medical board has been formed for the treatment of a newborn abandoned by parents in Kottayam, Kerala.

23 കിലോ കഞ്ചാവുമായി രണ്ട് പേർ പിടിയിൽ